لما فازوا بكأس الخليج في مسقط .. ولما كانوا موجودين في بطولة العالم للناشئين
ولعبوا ووصلوا للأدوار الأخيره يومها الكل رقص وهلل وقال ان المنتخب
رفع اسم الوطن وان المنتخب رفع راية عمان في المحافل الكرويه ..

المحافل الكروية هي ايضا ترفع من اسم الوطن فهناك تتنافس الدول لتنال
اللقب ولتترك بصمة جميلة .. والا ما فائدة صرف اموال وو وو الخ لاجل لا شيء ؟

اللي ما عنده ما حد قاله روح اتسلف وادين والله هذي رغبه اللي يريد يشتري
التذكره ويدخل والله انه ما قصر وعنده الرغبة لمساندة المنتخب .. واللي
ما عنده
وما يقدر ثمن التذكره وف نفسه يساند نقوله الله يعينك والتلفزيون ينقل
المباراة وتابعها
واللي ما يله رغبه لا ف الدخول والمسانده .. وما يريد يتابع المباراة ولا له شغل
ينطم وما يجلس يقول عن اشياء هو ما له دخل فيها ولا يتابعها ..

أم نور الغاليه ..

المشكله اللي حاصله انه الكل صار يتدخل في هذا الموضوع اللي له شغل واللي
حتى ما له في الكوره …

انا وانتي وصبي وغيرهم نتابع .. باعتبار انك متواجده وتابعتي المباريات
الاخيره .. ونقدر نتناقش و و و الخ

لكن ايش يدخل اللي ما له شغل ؟؟ !!

هذي المشكله انهم لما يريدوا الشيء يأيدوه .. واذا ما داق في راسه يجلس
يخورها ويعق كلام ..

بعدين من قال الاحترافيه وو ما تجي بالفلوس ؟ كل الاندية اللي تلعب في دوريات احترافيه قوية
هي اندية تملك ميزانيه خاصة توازي في قوتها ميزانيه وزارة حكوميه
وعندها اسهم ومداولات وسوق وبيع وشراء .. هذا كله ما بيحتاج ميزانيه ؟

(وسالفة ان المنتخبين مختلفين .. ممكن نقول ان المنتخب المصري وصل الى ابعد
مما وصل اليه منتخبنا بحكم ان السلك الرياضي للمنتخب اعرق واقدم من
عندنا
تعتقدي ان منتخبنا ما قادر يوصل .؟ انا اظن انه قادر يوصل ويحقق اشياء
بس لو كان هناك خطه لتتطوير المنتخب وجعله يحتك مع منتخبات راح يسوي شيء
لأن الخبرة ضروريه على شان تقدر تحقق العالميه لو قدرنا نسميها

بعدين المنتخبات محتاجه لاستقرار فني واداري على شان تقدر تعمل شيء فثبات الجهازين
وتنظيم الصفوف ووجود كوكبه من اللاعبين اللي بامكانك استغلال مواهبهم راح
يوصلك للمراتب اللي تريدها

المشكله عندنا ما شيء ثبات في كل شيء .. هذا جاي وهذا رايح .. ما عندنا
اهتمام ع شان ننمي ونقدر نطور بثبات) ( ما علينا هذا كله ما موضوعنا)
*****************************************************************

موضوع التذاكر موضوع راح اعتقد خلص يثبت وراح تصير التذاكر في اغلب المباريات
متواجده ..
وانا من وجهة نظري ان خفض اسعار التذاكر قليلا راح يخلي الجماهير تحضر

تقبلوا مروري