طيب يا جماعة..عاوزكم تطولوا بالكم معاي شوية لأنو القصه عاوزه ليها واحد بالو طوييييييل

دي قصة واحد صاحبنا راح يتفرج على سيول مدينة الرياض

وطبعآ بما أنو متربي على ثقافة اللاندكروزر ..ويا لاندكروزر مايهزك ريح.. والكلاب تنبح واللاندكروزر يسير..وإن فاتك اللاندكروزر إتمرمغ في ترابو….و..و..

فقد قرر صاحبنا إنو يعبر للضفة الأخرى !!؟

يا أبو الشباب تعبر كيف ؟؟ تغرق !!؟

صاحبنا إضان من طين و إضان من عجين.. ويا لاندكروزر مايهزك ريح

أبو الشباب يمضي نحو المجهول

أبو الشباب حيعبر يعني ح يعبر

أحممم .. أبو الشباب غرّزز.. واللاندكروزر حلف ما يتعتع من مكانو

أبو الشباب حسَ إنو ؟؟؟؟؟ ناقصو ؟؟؟؟
.. فقرر يرجع إلى جادة الصواب ..ويمشي يجيب كراكه تسحبو ويا دار ما دخلك شر

لكن وييين يا فرده .. هو دخول الحمام زي خروجو يا روح طنط

فكانت هذه هي النتيجة

V

V

V

V

و دي صوره من زاوية تانية لصاحبنا المتعوس والتاني خايب الرجا

ومن زاوية تانية

وزاوية تانية

إلعن أبو الشهامه ياخي

بصراحة.. أحب الناس العندها أمل

قاموا جماعتنا ( المتعوس و خايب الرجا) جابو شاحنة عشان تسحب الكراكة الكانت عاوزة تسحب اللاندكروزر

وكااااانت هذة هي النتيجة ياولدي

V

V

V

V

جماعتنا حسو إنو الشغلة مطولة قاموا جابوا حفاظة مويه بااااارده

الجماعه قالوا مابدهاش بقى !!..إحنا لازم نجيب كراكة كبيره عشان تسحب الشاحنة الكانت عاوزة تسحب الكراكة الصغيره الكانت عاوزه تسحب اللاندكروزر!!!؟؟

لكن وييين يامان .. فقد قررت الطبيعة إنها تعاقب ال؟؟؟؟؟ سواق اللاندكروزر وإللي يتشددلو

V

V

V

معقولة بس لكن!!!!!!؟؟

الجماعة لقو إنو الحكاية غويطة .. وعاوزه ليها تفكير و كباية شاي في الخمسينة

المهم قالوا الحل الأخير هو الاتصال بالدفاع المدني

وفعلا جا الفُنطاس بتاع الدفاع المدني عشان يسحب الكراكة الكبيره الي جات تسحب الشاحنة الي جات تسحب الكراكة الصغيره الي كانت عاوزه تسحب الزفت اللاندكروزر

نود أن ننتهز هذه الفرصه بتقديم أسمى أيات التقدير لإخواننا في الدفاع المدني وحرس الحدود والقوات الجوية

الظابط الواقف في الحر.. والشمس والسخانة فوق راسو.. كِره اليوم الدخل فيهو كلية المطافي .. ويمووت ويعرف من هو الحمااااار البدأ الموضوع البايخ ده !!!!؟

برنااامج.. وسُياح أجانب بأزيائهم التقليديه الجميلة أتو لمشاهدة الموقع

طيب.. الجماعة عجزو .. وبدأو يفقدو الأمل

ولكن نادى مُناديٍ بينهم وقال: لا يفل الحديد الا الحديد
جيبوا ابو جنزير !!!!؟؟؟

وأتى أبو جنزير يتمخطر .. ويقول ياااأرض إتهدي ماعليكي أدييي

طبعآ جابووو أبو جنزير لييييه يا حلويييين ؟؟؟

اتحداك تقولها

يالله مع بعض

جا ابو جنزير عشان يسحب الفُنطاس إللي كان عاوزيسحب الكراكة الكبيره الي جات تسحب الشاحنة الي جات تسحب الكراكة الصغيره الي كانت عاوزه تسحب اللاندكروزر ….شطاااااار

لكن أبو جنزير.. أبو بطيخ .. مافيش حد حيتعتع من مكانو النهاردة ..ما عارف لية إتذكرت أغنية المرحم عبد الحليم حافظ (طريقُك مسدودٌ.. مسدودٌ.. مسدودٌ.. ياولدي)!!؟؟

قاااامو الجماعة فقدوا الأمل .. وقرروا إستخدام السلاح الأخير البقى عندهم..سلاح الهنود.. ونادوا الهنود عمال البلدية عشان يتصرفوا !!!!؟

يسحبو

يحفرو

يرقصو حوّليين أبو جنزير !!؟؟

المهم يتصرفوا !!!؟؟ أكيد الحكاية دي مرت عليهم في فلم هندي وعندها حل !!؟؟

(((وللقصة بــــقية)))