- This topic has 23 رد, 8 مشاركون, and was last updated قبل 22 سنة، 7 أشهر by
.
-
المشاركات
-
مرحبا بالجميع .. وأشكر أخوي داود على استضافته لي .. 🙂
– من هالارض وصارلي فيها 26 سنه .. والعمر كله للجميع انشالله
-الرخصة والملكيه في السيارة وبصراحة مستكاود اجيبهن ..
– خريج ادارة واعمل بديوان البلاط
-هواياتي .. رحلات التخييم رغم انها تتقلص هالايام وصارلنا مده ما طلعنا… مشاهدة الافلام ومباريات كرة القدم .. القراءة اذا في فرصة ..
-الى الان ماصارتلي حادثه طريفه .. هذا اذا ما خانتني الذاكره
وسلامتكم
السلام عليكم جميعا …………..
الأخ ….. الشرقية ……..مرحبا بك ضيفا علينا هذا الأسبوع
عسى أن تسعد بأيامك بين أخوانك في مجالسنا وشكرا.
بعد أذن الجميع لي مداخلة بسيطة مع ضيف الأسبوع وهي :
أولا : اذا كنت مستكاود عطني مفتاح السياره أنا بروح أجيب الرخصة والملكية بس ويش من السيارات عندك ووين صافتها ؟
ثانيا: وليش في هذه الأيام بالذات الرحلات متقلصه رغم أن الجو عسل يا عسل ؟
ثالثا :معقوله ماصارت لك حادثة طريفه منذ 26 سنه ولا خجلان شوي ؟
وشـــــــــــــــــــــــــــــكرا مع أحترامي للجميع
تحياتـــــــــــــي ………….. زلفـــــــــــى
حشا عاد مرررررررره ….. مسيكين واحليله توه جديد خلوه يتنفس
طايحين فيه عن يكون شخصيه من الشخصيات
ونحن ما عندنا خبر .. على العموم دام خلوك ضيف
خلينا نسألك كم سؤال دامك واصل ؟س ـ من دلك على المنتدى ؟
ج ـ جاوب بسرعه أشان تأخذ ترقية ؟
س ـ ويش تقصد بـ 26 سنه ويش أنته وافد ؟
س ـ أول ما تدخل مجالسنا أيش هو المجلس اللى دور عليه بسرعه
من غير مجلس الاصدقاء والمرح ؟
س ـ خريج سنة كم ومن اى جامعه تخرجت ؟
ونعتذر منك نرجو السموحه
مرحباً بك اخي الشرقيه في مجالسنا
وما يصير ما نرحب بك عاد والترحيب يبدأ باالعلوم والأخبار
وبعدها نبدأ بالأسأله واتمنى تكون خفيفه عليك
اول سؤالي ليش أخترت اسم الشرقيه في تسجيل دخولك
اما سؤالي الثاني مالذي اعجبك في المجالس
مقارنةً بالأخوه الأعضاء الذين سجلوا بعدك ارى مشاركاتهم زادت اكثر فما هو المانع من قلة عدد مشاركاتك؟
كم وزنك؟
لو قمت برحله الى جزيره نائيه وتظل فيها لفتره وخيروك بشئ واحد تختاره من ضمن هذه الأشياء
1 الأكل والشرب
2 الصديق
3 الهاتف النقال
فأي من الأشياء الثلاثه تختار
أكتفي بهذه الأسئله .
وشكراً لك
مراااااحب
افا عليك .. تعال شل المفتاح وبتشوف السيارة ..
الرحلات متقلصة ما من الحين من قبل الجو العسل .. يا عسل
ما صارت لي حادثة طريفه في المجالس هذا الي قصدته
تحياتي لك
مرحبا
اللي دلني على المنتدى صديق عزيز .. , وانا ممنون له لانه دلني على هالنتدى الحلو بناسه الحلوين
وافد !! لا مب وافد .. مواطن وقصدت اني مولود من 26 سنه في هالارض
اول ما ادخل المجالس أغمض عيني .. وابدا احرك الماوس واضغط عليه .. واشوف حظي وين وداني
خريج احدى جامعات الاردن .. وصارلي ثلاث سنوات متخرج
وسلامتك وتدومي اختي العزيزه
… اللي بعده
يا سلااااااااااااام صدق المشاعر بنفسه يسالني .. تشريف ما بعده تشريف .. بس خف علينا صدق … اسئلتك مباشره ودقيقه ما شاء الله عليك .. بس حاضرين للطيبين ..
. اخترت اسم الشرقيه .. لاني انتسب لااحدى ولاياتها .. وانتسابي الاول والاخير لعماني الحبيبة ..
أعجبني في المجالس المواضيع المختلفه اللي تعرض فيها … باختصار شديد تحصل اي موضوع في اي مجال … بس أعتب على المشاركات القليله للاعضاء مقارنة بعددهم .. والعتاب موصول لي انا ايضا لاني مقصر الصراحه بس انشالله نعوض في الايام القادمه
ليش تسال ناوين تسوي بطولة ملاكمة
…عالعموم وزني وزن الريشه .. ومرات أربط نفسي بحبل عن أطير اكون في جزيرة نائيه .. و يا اختار صديق او اكل او هاتف نقال … باختار الهاتف النقال عشان اتصل بالصديق يجيب اكل .. ونسويها رحله
وسلامتكم
ما بسكم اسئله …
عاد جلت لروحى ما يصير ما نشارك صحيح هلا بالظاهرة …
26 – 2003 = 1977 <--- مواليد هالسنة
دخولي النت ماله وقت محدد .. اذا في فرصه وما عندي شغل أدخل النت
فتاة اليوم فتاة مثقفة وواعية للحياة
بعدني أعزب ..
لفت انتباهي في المجالس التنوع الكبير في طرح الموضيع .. ببسيط العباره .. يتم طرح اي موضوع يخطر في بالك …
اي عضو يهتم بطرح مواضيع شيقه وذات اهميه ويتابع بردوده المواضيع التي يطرحها الاخرين
ومعذور طويل العمر .. ومرحبا بك معانا
_ عندك سياره صالون ولا بيك أب ؟
_ لونها أيــــــــــــــــــــــــــش ؟
_ كم سياره عندك ؟
_ تحب السفر وليش ؟
_ وين سافرت ووين كانت أحلى سفره ومتى ؟
_ تحب تسافر لحالك أو مع أصحابك وكم عددهم ؟
_ وبس .
تحياتــــــــي,,,,,,,,,,,,,,,,,, زلفــــــــــــــى
جاوب لا تتهـــــــــــــــــــــــــــــــــــرب
ياخفيف ………………..
تحياتي ,,,,,,,,,,,, زلفـــــــــــــى
إسحبها 
ترترها 
ونحن ما عندنا خبر .. 
خلينا نسألك كم سؤال دامك واصل ؟
عاد جلت لروحى ما يصير ما نشارك صحيح 
- يجب تسجيل الدخول للرد على هذا الموضوع.