ياعين كفي دمعك إللي فضحني*** خلي دموعك في المحاجر وكنيــــه

إللي طعني بسيف غدر وذبحني*** هو جملة أحبابي وأنا واثق ٍ فيــــــه

أعطيت ماقصرت لكن جرحنـــــي***ولاهو عطاي إللي جرحني وأنا أبكيه

إللي جرحني لانظرته لمحـــــني*** بعين المفارق بعد ماكنت مغليــــــه

وينظر بعين ٍ كلها كارهتنـــــــــي*** من دون ذنب ودون ماجيب طاريـــه

طال الزمن وألا قصر لو هجرنـــي*** بيرجع ودمعه فوق خده يباريـــــــــه

وأذكره يومه قسى مارحمنـــي*** وداس المشاعر يوم كانت تناديـــــه

ولا عاد ينفعه العذر والتمنــــــي*** لو قال بأرجع وآتــــــأسف وأراضيــــه

أنا بدونها عايش ٍ ومتهنـــــــــي*** ولا له أمل في يوم أرجع وأحاكيـــــه

خلها بعيد اليوم لاتمتحنـــــــــــي*** ومن باعني والله مانيب شاريــــــــه

وسلامتكم….