موضوعك جميل ندى الياسمين وحلو ان الواحد يتذكر بعض المواقف الطفوليه

المهم كنت في المرحله الابتدائيه وهذا اللي صار

في مدرسه معانا دايما تحب تجلس في مكان معين وفي يوم من الايام قلت لزميلتي في الصف ايش رايك نروح هذاك المكان اللي تجلس فيه المدرسه فلانه قالت لي ok وما انتبهت ان في بنت جالسه تسمع الحديث اللي دار بيني وبين زميلتي راحت طوالى تخبر الابله وتقولها ايش نريد نسوي انا وزميلتي المهم رحنا انا وزميلتي ننتظر ما جات الابله لحد ما دق الجرس جالسين ننتظر وما في حس ولا خبر

صراحه هذا الموقف كل ما اتذكره اضحك

موضوعك راااااااائع

من المواقف اللي دايما تصير معاي في المدرسه ايام الابتدائي هي (الضرب ) من غير ما يكون لي دخل في الموضوع.

سبحان الله دايما يخليوني في صف مشاغب في كل سنه وانا يحليلي ما في اهدأ مني في المدرسه. على العموم طبعا طالبات الصف دايما يسوين فوضه ولما تجي المعلمه واحيانا المديره وتسأل مين اللي مسوي الفوضه بالطبع محد يرد ..وما ندري بعمرنا الا والمديره او المعلمه ماسكة مسطره الخشب وتضرب الصف كله ..

انا كنت احب اشترك في المقصف عشان كانوا يطلعونهم بدري قبل كل البنات…وما جتني فرصه الا آخر سنه بالابتدائي صف سادس وكنت فرحانه ويوم جو البنات يشترون فجاه بدون سابق انذار 20 الف بنت كلهم يبون يشترون مني لدرجه اني ما قدرت اتنفس وفي نفس الوقت ما أقدر ابيع ويوم شافوني البنات على ذيك الحاله سرقو مني ما لايقل عن 10 ساندويش وطبعا تلقيت تهزيئه بعدها طرده وطبعا دفعت ثمن السندويشات وهذي كانت أول وآخر مره ابيع فيها…..حظ!!!

شرايكم؟؟؟؟

هااااااااي

ألف شكر ندى الياسمين على هذا الموضوع الأفضل من رائع

بالنسبة لي من ذكرياتي المدرسية :

كنت أنا وواحد من أصحابي نجمع حجر صغير قبل ما يبدأ الدرس

وأثناء الدرس نرمي المدرس بالحجر وخوذوا من الضحك

هههههههه

والله ما راح أنسى الأيام الحلوة هذي

والحين أنا وصاحبي هذا دائماً مع بعض حتى الآن موظفين في شركة واحدة

أيام المتوسطة والثانوية

والآن الشركة

ههههههههه

تحياتي للجميع

أمير كوكب مورس

عاد ماكريمة !!!!!!!!!!!هههههههههههه

لما كنت صف ثاني اعدادي كنت ما أحضر بس نروح المدرسه للتسليه فقط…فكان علينا عربي فطلبت المعلمه نعدد الأسماء الخمسه(أب ,أخ,حم,فو,ذو) و طبعاًأنا ما اعرف الإجابه فجاوبت البنت الأولى وقالت أب والثانيه قالت أخ والثالثه قالت حم وأنا اسمع الأجوبه فكرت البنت الثالثه تقول (عم) فرفعت يدي وأنا اصرخ متحمسه فقومتني المعلمه فقلت (أم)وانفجرالصف من الضحك فعرفت أنه خطأفلما فتحت الكتاب عرفت أنه ما فيه اصلاًأم وأنا سمعت أخ وأب وحم فقلت سهل تراه من العائله وبعدني كنت افكر اقول أم او جد…

تنوير

كنت صف ثالث اعدادي وكان علينا إنجليزي و مسمين هذى الحصه حصه تسليه فكانت المسكينه تشرح و نحن نسولف و نتصفح المجلات و كنت اكثر وحده عامله فوضه …فسألتني و كنت فاتحه الكتاب و الأجابه فيه و كانت الإجابه (king fish)فنظرت نظره
سريعه عا الإجابه و قالت البنت اللي وراي (خلفان.. خلفان ) فقلت (كلفان )فضحكن البنات و المعلمه بعد و قالت لي ( NOT KHLFAN ) فطحت من الضحك لإني شفت الكلمه فيها حرف (ك..ف) فأعتقدت أنه خلفان و البنت اللي قالت لي خلفان لحد الحين تناديني (كلفان )..