فكرتنى يا ابو الوليد بقصة جميلة اوى اوى

كان بيمشى مع خطيبتو طول ما هما ماشيين يقولو كلام رومانسى وهيا تقولو يا حياتى وهوا يقولها يا روحى وقال اية يخاف عليها من الهوا الطلق

ولو هيا وقفت امام محل ملابس تنظر للفستان كدا هوا يقولها اية يا حياتى الفستان عجبك؟

هيا تقولو دا تحفة!!

يدخل هوا جرى يشترية

وبعد الزواج وهما ماششين فى الشارع هوا يمشى بسرعة وهيا تجرى وراه ويقولها شدى شويا يا ام العربى يروحو وهما ماشيين يقابلو محل الملابس وتقف هيا امام الفساتين

هوا يحط ايدية فوق راسة ويقولها ايه مالك يا ام عبدو تعالى لما نتكلم فى موضوع علمى!

بيقولو ان طبقة الازون فيها ثقب والنجوم مبتطلعش زى الاول مش عارف لية!!

هيا تقولو الفستان دا جميل اوى!!

هوا يقولها سلامة عيونك انتى واقفة فى بترينة الملابس الرجالى!!

تقولو لاء دا حريمى وفستان اهو روعة

يقولها يعنى هوا عجبك؟

تقولو ايوا تحفة

يقولها خلاص كل يوم فى نفس الميعاد اجيبك تتفرجى علية!!

وبينا نمشى علشان نلحق العشا بسرعة وهوا يهرول وهيا وراه

وشكرا