- This topic has 9 ردود, 6 مشاركون, and was last updated قبل 24 سنة، شهر by
.
-
المشاركات
-
أخي أبو آدم كلامك در وهوه حاصل وأقول إذا كل واحد منا قال للأعور أعور بعينه ما كان أحد تجرى على التمادي في الغلط ولو كل إنسان تربى يقول الحق وما يسكت لما احتجنى لقاضي والي قاضينا ووالينا في قلوبنا وشكرا
فتى سمائل
وداعا مع لقاء يشتفي منه الأحبة ريان الصفا
من سالم الناس سلم من شاتم الناس شتم
من عاهد الناس وفى من أحسن السمع فهمهلا والله ابو ادم … الحقيقه ان موضوعك يلامس جرح المشكله الي احنا عايشين بصداها للحين ونعاني منها .. الخوف من الي اكبر مننا ….. ولكل واحد فينا شخصيته مثل مالكل فينا له رأيه ..
حوارك بالموضوع اخوي جميل جدا ولربما انا بالتحديد عايشت مثل هذي المواضيع .. وأقدر اجاوبك على الي فهمته من سياق الحادثه ..
… اولا :- تردد بعض الاشخاص للدفاع عن مستحقاتهم وممتلكاتهم الخاصه بسبب الطرف الثاني …… يعني
هاه اخوي سالم شالي عملته مع صاحبك الي يبي يشيل ارضك ويقول انها ملكه ….. ايش اقلك اخوي محمد ترى هذا الشخص انته تعرفه ود فلان بن فلان الفلاني … ومن قده .
…. ايش يعني اسمع من كلامك انك بتتركله الارض …. اي والله ايش اسوي امري الى الله ….. لكن الله ما امرك بالتخلي عن حقوقك … يا محمد ابعد عن الشر وغنيله … ويوم السالفه جت على الارض بعدها اهون ……… ( وراحت الارض )
السلام عليكم سعاده المدير … وعليكم السلام …. سعاده المدير انا عندي مشكله في الاعمال .. يعني جدول الاعمال مزدحم وما عدت اللحق اخلص الي فأيدي واخذه معي للبيت .. ياريت سعاده المدير انكم تتفضلوا وتقسموا العمل لي انا وزميلي الي بالمكتب … لانه مستعد يساعدني … المدير لا والله يعني تبيني اكلف موضف ثاني يقوم بعملك يعني انت موضف كسول وليش المعاش الي تتقاضاه ما يسكت حرك … الحين روح كمل اعمالك واريدك تخلص كل شيء اول بأول … يالله تراني مشغول ما عندي وقت
هاه وش الاخبار اخوي حمود .. والله ايش اقلك دشيت الامتحانات الانجليزي والرياضيات والمقابله وكل شيء .. والحين قالولي بيتصلوا اذا نجحت …. تمام والله عيل خير
…. هاه سعود ايش عملت بالموضوع دشيت امتحانات والا كيف … لا والله ما دشيت ولا شيء كل السالفه اني وصيت عمي يتحرك في الموضوع مع شويه فيتامين واو .. وضبطت الامور وبداوم الاسبوع الجاي …
هاه كيف اتصلوبك .. لا والله الحين شهر ولا حد عاودني بشي .. سمع اتصل فيهم يمكن تسمع خبر جديد ….. الو السلام عليكم انا فلان الفلاني بخصوص الامتحانات والموافقه وش الرد ….. هلا والله اخوي لا والله ما حالفك الحظ .. كل الاسامي الي عندي اسمك ما معاهم
هلالالالالالا كيفك احمد وش الاخبار .. ايش اقلك اخوي انور كل الدنيا قفلت ابوابها بوجهي …. خير احمد عسى ما شر .. انا ارف انك صاحب شهاده جامعيه في الزراعه ….. نعم اخوي بس للحين انا اكد واتعب في نفس الشركه .. وبلا فايده .. كم مره رحت وزاره الزراعه بس بدون فايده ……. والحين صارلي اربع سنوات على هذي الحاله ….. يالله عسى خير
والكثير الكثير مثل هذي الامور … بس انا من اقتراحي حول هذا الموضوع هو ….
1- مناقشه الاسباب والمسببات في عدم نجاحك بالامتحانات
2- الاصرار على حقك لانك مسائل عنه يوم القيامه
3- المكوث في موقعك سواء كان شركه او وزاره لانها مستقبلك
4- هناك اماكن مخصصه للمواطنين وحقوقهم .. فلا تتردد في اقتنائها
5- لا تتهاون في فشلك بالمره الاولى فمن الممكن للمره الثانيه ان تصيبهذي هي اقتراحاتي
توسدها عدل قبل لا تنطقها
أشكركما يا فتى بلادي و يالفارس الشجاع عنتر بن شداد
وأتمنى من الأغلب إن لم يكن كل المشاركين إعطاء رأيهم
وهل نحن على حق في الإهتمام بهذه المواضيع أم أنها مواضيع غير مجدية ، فكما نعلم أنه لا يأس مع الحياة ولا حياة مع اليأس .
وهذا لا يعني أننا نتصدى أو نشكل جماعة ضد أحد بل تصحيح الأخطاء واجبنا كمسلمين ولا تستقيم الحياة إلا بإصلاح كل ما هو
( عوج ) ، فكلنا أخطاء بدءاً بنفسي وبعائلتي إلى الآن نرتكب أخطاء
ونسأل الله أن يعيننا في إصلاح أمورنا .
أكرر أتمنى وأرجو أن تكون هناك آراء من قبل عزائنا المشاركين .
ولا تنسوا أن تركزوا أولاً على الأهم قبل المهم .كلما أدبني الدهر أراني نقص عقلي
وإذا ما ازددت علماً زادني علماً بجهلي
( الشافعي )أخونا عنتر ما صدق منفس عن كربه والحق أن الغلط كائن في كل الأزمان وما وجود الصح إلا ليظهر للناس الغلط وكانا قيل يعرف الشيء بضده والحلول كامنه في نفوس الناس (ولن يغير الله مافي قوم حتى يغيروا ما في أنفسهم) وهذا يا أبو آدم هات إنته إيش رأيك في الموضوع
فتى سمائل
وداعا مع لقاء يشتفي منه الأحبة ريان الصفا
من سالم الناس سلم من شاتم الناس شتم
من عاهد الناس وفى من أحسن السمع فهممرحبا….
قبل كل شيء اود ان ارحب بالعضو ابو أدم….((( وينك يا رجال زمان والله ما سمعنا عنك…. طولت الغيبه علينا..والله نورت مجالسنا و عودتك لنا غاليه)))إحم إحم….. بخصوص الموضوع:-
أعتقد ان الانسان اللي يعرف اخطاء غيره.. يجب عليه ان ينبهه بها..و لكن مثل ما قال الاخوان… في زماننا كل واحد يخاف من ردة فعل الشخص الاخر…
مثلاً لو كان عندي صديقه اعزها و احبها كثيراً…و شفت انها تتصرف بشكل خاطئ..وانا في الوقت نفسه أخاف ان افقدها و ان تعتقد انني اغار عليها او ما اريدلها الخير…..(((( اعتقد ان الخوف من ردة فعل الشخص الثاني هو العامي الرئيسي اللي يمنع معظم الناس اعلام الآخرين بالحقيقه))))…..
نفس الحاله مع المدير و غيره…. (( تصور انك تخبر رب عملك… صراحه يا حضرت المدير ريحتك خايسه
……………ايش بيكون مصيرك….
أكيد
و طرد……و العامل الثاني هو نوع الاسلوب في الكلام… لأن الاسلوب المقنع هو العامل المؤثر في عقلية اي مخلوق….
فطريقة الكلام عليها ان تتوازن مع الاسلوب الراقي في الاقناع….—————————————————-
ام ليـــــــــــــــــــــــــــــ
ـــــــــنااذن اين ذهبت الدكتاتورية و حب التسلط فهذه الامور من المسلمات بها لدى مسؤولينا و اولي الامر منا
ولكن هذا الجيل فيه الخير و البركة
الحياء شعبة من الايمان
القول الحق
بالفعل أخي أبو آدم !!! الحقيقة إننا مسيرون وليس مخيرون !!!!
وهذه المشكلة ليست في نطاق العمل فقط !!! إنما كل مجالات الحياة !!!!! وقد حصلت معي الكثير من الأمثلة التي أرى بأنها خطأ ولكن عندما أود تغييرها بعضها أجد الرد الإيجابي فيه !!! ولكن الأغلبية وللأسف الرد السلبي .
المرصاد
حقيقتك دائماً تجدها معي
أقووووول :
موه رايكم نسوي جماعة ارهابية تقتل اللي يتعمد يرتكب الخطأ .
( امزح بس ،،، والله العظيم امزح ،،، الشيمة ما باغي انسجن ) .
ندخل في الجد وأقاربه :
أولاً بندأ بأنفسنا وطبعاً لازم نحصل فينا ما بس خطأ وإنما أخطاء
ولما نريد نصحح الخطأ اللي فينا وخاصة إذا كان صعب تصحيحه ،،أيش راح يقول أغلبنا ……….آه ؟؟؟؟؟؟!!!!!!! هذا بعد ما يعترف أولاً
ياأخي ما أقدر خلاص تعودت على هذا الخطأ واعتبره الحين كأنه صح ،،،،و بعدين ما أنا بس اللي يسويه ، تو كل الناس تسوي هذا الخطأ ،،، ولو أنا صححت الخطأ أكون أنا وحدي صح وسط المليون من الناس المخطئين ، وبعدين أنا أريد أصحح هذا الخطأ لكن ما لا قي تشجيع ممن حولي عشان كذا أنا متأثر وما قادر أرجع للصواب .هذه بعض المتاعب اللي يواجهها المعترف بخطئه عندما يعقد النية في تركها ،، لذا أدعو الجميع بالتقرب من الناس الذين قلما تجرفهم التيارات السلبية ويتأثروا بهم حتى يكونوا قوة يأثروا بها غيرهم .
هذا ولله ولي التوفيق ،، ماخاب من توكل على اللهكلما أدبني الدهر أراني نقص عقلي
وإذا ما ازددت علماً زادني علماً بجهلي
( الشافعي )
- يجب تسجيل الدخول للرد على هذا الموضوع.