اخي الكريم

كل عام وانتم بخير

مرفق لكم قصيدة تنفع ان تكون في حفلكم الخطابي

ماعليك إلا ان تضع بدل (*) اسم الشخص المسئول

ما رأيك

بيض الله وجه (******* )راعي الجميله

تنشر البيضا وترفع له علـى روس المبانـي

راعي الوقفـات شيّـال الحمـول المستحيلـه

لا اعتذر عنها البخيل ولا انقصر عنها الجباني

تشهد بطيبه طلاقـة وجـه واخـلاقٍ نبيلـه

وانشراحة خاطر تنسيـك لوعـات الزمانـي

وضحكة حجاج تشوق العين ويميـن طويلـه

والدلال ..ومجمر الكمبود.. وكبار الصوانـي

مجلسه ديوان لاهل الطيب واصحاب الفضيله

يقصده ربعه وجيرانـه وصحبـه والعوانـي

ستر لباس الخمار وشـوق مفلـول الجديلـه

يحسده ويغار مـن وقفاتـه سهيـل اليمانـي

مدته من طيبها تفضح هـل اليمنـى البخيلـه

كانزين المـال قاضيـن المطالـب بالتمانـي

ما مدحته كود من ماقف وفـا عنـدي دليلـه

ما مدحته كذب والا زور والا قصـد ثانـي

الجمايل مـا تغيـرب منـه ولا مـن مثيلـه

حافظين العهد حفظ المسلـم السبـع المثانـي

كيف نستغرب فعول الطيب من روس القبيله؟؟

ولو نشدت الطيب من هو جدك؟يقول واحد ماله ثاني

صانع المعروف في روس العرب يلقى بديلـه

لو بتمجيده وشكـره بالحـروف وبالمعانـي

بيض الله وجه (********) راعي الجميله

تنشر البيضا وترفع له علـى روس المبانـي

تحياتي الخاصة