لو حبت النجمة نهر
طاحت على صدره سنا
أن مرت الغيمة قهر
وان هبت النسمة قهر
ولو رمى الطفل حجر
عكّر مواعيد الهنى
أنتي وأنا نجمة ونهر
طالت مشاوير السهر
بيني وبينك الغيم
والشمس
وأغصان الشجر
وحكي العواذل والحذر
وان هبت النسمة قهر
ولو رمى الطفل حجر
عّكر مواعيد الهنى
با بنت للنجمة قمر
وأنا لي الوادي
محتار في قربك أنا
محتار في بعادك

فعيني تغيب الشمس .. و تشرق اف عيني

في ناظري للشمس .. موتٍ و ميلاد
لليل في دمعي سنا .. نجمتيــني
و للصبح في جفني شفق هم وسهاد
كن السهر دربٍ عليه اب تجيني
و لا ودي اقطع درب لاماك برقاد
ياللي جميع الناس بينك و بيني
و كل لحظة أنا انتظر منك ميعاد
عذري لياسي منك .. انك تبيـني
خنت الرجا .. و ان صنت لي عهد و وداد
لبسمتك ترخص غوالي سنيــني
جرحي يهون و جاير الشوق يزداد
و لمصافحك ربي خلق لي يمـيـني
امدّها لك وصل و امدّها ابعاد
أنسى عذاب العمر و ما أنسى حنيني
تبلى ليالي العمر و جروحك اجداد

مانكر العطر .. وحبيبتي
ومااجحد النور .. وحبيبتي
ومااخفي الشعور
اني احب الشمس ولفتاتها
اني اعشق الليل ونظراتها
ياناس انا معذور
في حبيبتي والشمس
وماانكر العطر
الغت مواعيد النهار .. شمس بدت مثل النهار
ريح المطر لون الخضار ..
حبيبتي أحلى البياض
وأحلى السمار
بالحيل مجبور .. ماأخفي شعور
اني احب الشمس ولفتاتها
اني اعشق الليل ونظراتها
ياناس انا معذور
في حبيبتي والشمس
وماانكر العطر
خليني في عيونك هوى .. همس الحنين
لا تغمض اعيونك علي .. ولا تكذبين
تشرقني الدمعه في عيوني
تحرقني اللوعه في ظنوني
ياحبي انا والله ماأخونك
وماانكر العطر وحبيبتي

انا احبك مابها زيف وخداع

أفـارق هـالنـجـوم الطـايحـه بيـن السمـا والـقـاع
وفي قلبـي من الأوجـاع مـا يكفي وفي قلبـي أفـارق
ورا هذي الجبال سفـوح وعيـونٍ مالها عيونك .. ولا قلبك
أسـافـر كـل قلبـي جـروح وانـا أحبـك
أبـي لا طبـت طـفّيتـك حرايـق
حزين اللي تركت البارحه وجهه على كفوفك
غسل بدموعه طيوفك .. غرستي في قلبه حروفك بيـارق
ولو بيديني غيرتك .. ولو مثلك في هذي الأرض ضيعتك
ودوّرتك .. ولكن إنتي غير إنتي ..وانا مثل الخلايق أفارق
.. ودايم قصة العاشق قديمه
.. مثل كل الفصول اللي على مر الزمن تنعاد
.. عزانا والدموع جداد
لأن الشمس وحده ويا كثر المشارق
.. في دروبـي رمل لامن جيت سـاري
.. ينبـت الأشـواك لامن رحت سـاري
صاحبـي ماجيتك إلا وفي طريقي من ربيع العام
نوّار وخبـاري
ولا تواعدنا وبه في الأرض زهره ولا تفارقنا وبه
للبرق طـاري
.. لا تأخر دام لي في العمر ساعه
.. ولا تقدم لين أشوفك في انتظاري
.. الزمن ورده سهرت أحسب ورقها
.. وإن قضا ماجيت في دموعي عـواري
.. حبـّني كثـر اللـذي نلقـى بوعـدنا
من ظـلال وريـح ونـجـوم وغـداري
.. صاحبـي مثل الخجل لو تكتسي بـي
قبل أصير الشـال يذهلـني انحسـاري
.. يـاقـريب البعد للشكـوى أسامـي
الجفـا .. والخوف .. وآخرها حذاري
.. وانت لو خان الزمن بقول وافـي
لا أنـا تركي .. ولا أظنك مشـاري

بدر بن عبد المحسن

لو تغيبـي ولو رحـل وجهك حبيبـي
في غيابـي عنك أشوفك .. وفي عذابـي منك أشوفك
صـدقينـي مـا نـقـص هالليـل بعدك إلا قمـرا
وما فـقـدت من النهـار إلا شعاع الشمس بكـرا
واجمل الناس حبيبـي .. حبيبـي
لو تغيبـي لو رحـل وجهك حبيبـي
تصغر الدنيا وتضيـق
كلّ مافي الدنيا أعرفه إلا بيتـي والطريق
أنا أحبك ذا نصيبـي .. إبعدي عني وغيبـي
صـدقينـي مـانـقـص هالليـل بعدك إلا قمـرا
ومافـقـدت من النهـار إلا شعاع الشمس بكـرا
لك ليـالي ما سألتـي .. ولي ليـالي ما سـألت
لو دريت إنك زعلتـي .. كان أفرح مـازعـلت
بس داري مافي قلبـك إلا قلبـك
واختياري إني أحبـك والا أحبـك
ومن عذاب الحب يكفـي لو تجرّح قلب واحد
وإنتي يا حبـي وضعفـي لا يهمك كله واحد
لجل تتغير فصول .. ويبكي الغيـم في عيونـي
وتزهر جبال وسهول .. اضحكي بيـّا وبدونـي
وصدقينـي مـا نـقـص هالليـل بعدك إلا قمـرا
ومافـقـدت من النهـار إلا شعاع الشمس بكـرا

بدر بن عبد المحسن