- This topic has 5 ردود, 6 مشاركون, and was last updated قبل 18 سنة، 6 أشهر by
.
-
المشاركات
-
اهلين مشرفنا ممكن اشارك ،،، انا ما اعرف اكتب شعر بس احب اقرأ اشعار واليوم جايبتلكم إن شاءالله تعجبكم ،،،
جريحٌ يا وطني بقلم نجاح المالكياه من من جرحك ياوطني ينزف من الاعماق
آه من وجعك ياوطني يسمع في الآفاق
آه من صرخات أطفالك
آه من دموع الأمهات
ممزق أنت ياوطني
أين كل من كان واين كل ما كان
ضائع غريب في أرضك
غمرك الطوفان
ضاعت بك السفينة
تبحث عن ربان
أين انت يا نوح فقد ضاعت منا الوسيلة
حائرة انا ضائعة أنا
أبحث عن وطني أين انت
ابحث عن قبطان السفينة
ابحث عن أحلامي أبحث عن ذكرياتي الجميلة
أبحث عن بيتي عن مدرستي
أبحث عن أبي
فلم أجد الا صور على الجدران الحزينة
دامعة هي مآقينا
أبحث عن ابي قالوا طوته الرمال
كما تطوي كل ايامنا الجميلة
عطشى لامس فلم يبقى لي منها الا مآسينا
انهارنا دامية
أشجارنا حزينة
ضفافنا أنينة
اين انت يا نوح ضاعت منا الوسيلة
بسم الله الرحمن الرحيم
مرة في القصيده لم نجترح
وطنا”
كان يكفي لكي نتلاقى
مرة كنت في لوحة المستحيل
نسير جنبا ألى جنب
فأزداد منك ألتصاقا
مرة في المواويل
أو في العويل
مرة في الصباح القتيل
مره … مره… ربما يلتقي
العمر في صدفهتأثرت بكلماتك لأني فيها…وابدعت انت فيها قولا”
لك تحيه وسلامبسيط المعاني
عراقيين متغربين
عراقي يااغلى من هلي شلون ننام وانت مجروح وحزين
واشلون تغفه عيونه واحنه عليك محترگين
ونسمع صرخات صوتك وانت تدورلك معين
تدور العون من بشر غارگين بزمن اقدم من زمن الفراعين
بشر من يشوفوك متعذب لو ينقهرون عليك شويه ويگولون عن اهلك خطيه ومساكين
لو يگولون عليهم حيل بيهم ومستاهلين
ليش نستاهل دگولولي يلي يسموكم عرب ومسلمين
نستاهل لأن چنه محكومين من ناس يمكن صدك چانو ضلام ويمكن چانو مظلومين
ومهما چانو مو ذنبنه لأن ماكو قانون بالعالم يحاسب بشر على اخطاء الاخرين
لو نستاهل لان چنه نگول ارض القدس لازم ترجع لأهلهه وبرجعتهه احنه ملزومين؟
لو نستاهل لان چان عراقنه حاضنكم ياعرب بوقت چنه احنه اهله نادراَ ماننام شبعانين ؟
ولكم دشوفوه لهذا عراقنه إلي چان مدوخ امريكا والي چنتو منتضريه يرجع القدس ويهزم الاسرائيليين
شفوه شلون متعذب وشلون اهله ضايعين
ضـــــــايعين ومتشرديـــــــن ومحرومين من ابسط حلم هو لمتهم وي اهلهم لم حلوة مليانه بحب وحنين
حته لمة الاهل انحرمنه منهه بسبب ظلم الظالمين
وهذا عراقنه فارگ اهله العراقيين
إلي مات وإلي هاجر وإلي صار ويه المعتقلين
اما إلي بقو تـــــــــــايهين ومســــــــاكين ومجانين إنضحك عليهم وصارو همه سلاح الامريكي اللعين
صارو مثل الوحوش واحد ياكل الثاني والعجيبه كلهم عراقيين
صحيح سنه وشيعه بس والله الكل مسلمين
على عيونهم غشاوة خلتهم اعمى من العميين
راح عن بالهم عراقهم إلي ينزف وهمه ملتهيين
ولكم اصجو مو حتى اهل الكهف گعدو وانتو بعدكم نايمين
ولكم وطنكم هذا داوو جراحه مثل مارباكم وداواكم سنيــــن
ورجعونه لأيام الفخر من چانو يسألونه (انتو من وين؟) وانگول برفعة راس احنه عراقيين
ويگولونه عفيه عليكم بعدكم سباع وبقيتو صابرين
وهسه تالي الوكت صرنه منبوذين
وصارو يسمونه حراميه وارهابيين
يالله دصفو گلوبكم وصيرو متحدين
ورجعونه احنه المتغربين والمشتاگين لتراب الوطن ولحضن اهلنه ولتمر البساتين
والله مشتاگه للمة هلي من چنه نگعد مجتمعين
ومشتاگه لضحكنه ولبچينه ولعبنه مثل المجانين
ومشتاگه لسوالفنه الحلوة ومشتاگه حتى للجوارين
ومشتاگه لبيتي آآآآآآآآه بيتي إلي گعدته تسوه عندي كنوز العالمين
والله احلامي سهله بس ليش احنه محرومين؟؟
محرومين من كلشي حلو مو بس هسه هذا الحرمان من يوم إلي صرنه بهالزمن اللعين
إانحرمنه من حضن ابونه وكلنه يالله لازم نرضه بحكم ربنه ونكون من الصابرين
لأن ايمانه بالله قوي ولأن احنه مؤمنين
لكن ننحرم من بلدنا ومن اهلنا ومن الراحة والامان والله هذا اكبر ظلم ياظالمين
وارجع واگول هذا الحرمان مو بس هسه هذا الحرمان من يوم إلي صرنه بهالزمن اللعين
بالله عليكم يااهل الثمانين
تتذكرون من جنه صغار شكد مرت علينه ايام وانحنه جوعانين؟؟
وشگد چانو بنفس الوقت اطفال بعمرنه مترفهين؟
وكبرنه وظلينه محرومين وظلو الباقين مترفهين
ياترى لشوكت راح تبقه هيج مخربطة كفوف الموازين
ولشوكت راح يبقه ويانه هالحرمان سنه؟؟ سنتين؟؟ لو عشرات السنين؟؟
وراح نبقه ننتضر شيصير ونبقه هيج صافنين؟
لا لازم مانبقه هيج لازم نصير كلنه اخوان ومتحدين
ونبني عراق الخير ابو تراب الذهب وماي العذب ونخليه جنه واحنه كلنه اهل واصحاب واخوان على ترابه عايشينجزاك الف خير
تحياتى 
- يجب تسجيل الدخول للرد على هذا الموضوع.