الرئيسية › منتديات › مجلس عالم السفر والسياحة › ((الأمن الخاص للمسافرين ))
- This topic has رديّن, 3 مشاركون, and was last updated قبل 16 سنة، 10 أشهر by ناريل.
-
الكاتبالمشاركات
-
20 يونيو، 2007 الساعة 8:45 ص #75512(((فتى العرين)))مشارك
السلام عليكم ورحمة الله وبركاته … صباح الخير للجميع …
باختصار شديد انا حبيت انقل لكم معلومات تختص بالسفر وهي ضرورية لمحبين السفر واكثرنا
للأسف ما يحسب لها حساب واهي بسيطه جدا ومهمة جداً …
ماذا تعرف عن الأمن الخاص ؟
الأمن الخاص راح احاول أوصل لكم المعلومه مبسطه …
لو فرضنا انك مسافر لدولة ولأول مره تزورها سواءً مع الاهل او مع الأصدقاء راح اضع لكم نقاط
يجب عليكم معرفتها …
1 ) معرفة ارقام ومكان السفارة الخاصة بك …
لما تكون مع الاهل او اصدقائك وماشي بالتكسي بلغهم وبطريقة سلسة ان السفاره هذا مكانها ( مثلا
الله يعز بلدنا تشوفو ترى هذي سفارتنا عرفتوا مكانها وهذي ارقام هواتفها؟ )
لا تقول اذا صار ما صار ترى هذي سفارتنا وتخوفهم هذا مثال !
الحين انت عرفتهم عن السفاره …
2) معرفة مركز الشرطه …
الشرطه لازم تعرفون مكان المخفر او المركز واسم الشارع الموجود فيه ( الدنيا واحوالها )
وبنفس الطريقة الاولى تبلغهم عن مكانه …
3 ) معرفة اقرب طبيب أو مستشفى أو عيادة …
الطبيب ما يحتاج ان اعلق او اضع امثله لأن اللي قرأ النقاط السابقة راح يفهم …
4) حاول ان تسكن بالطوابق الغير مرتفعه !!!
وصلنا للنقطة الرابعة واهي لما تسكن بالفندق او في أي مكان اكثرنا يكون يحب الأماكن المرتفعة وهذا
للأسف من الاخطاء التي نقع بها ( نقول على شان الازعاج يعني ؟) لا ياجماعه هذا خطأ …
لو حدث لاسمح الله حريق ؟ نزولك راح يصعب عليك …
لو تعرضت لمداهمه من قبل لصوص راح تصيح بأعلى صوتك ماراح احد يسمعك … لا تقول
مايصير ومستحيل هذا !!!
الامثله كثيره واتمنى تكون النقطة واضحة …
5) حاول ان تتعرف على صاحب اقرب بقاله مثلاً لسكنك او اي شخص تتعامل معه شبه يومي …
شفتوا صاحب البقالة أو المحل هذا اللي تشتري منه كل يوم ؟ لازم تكون علاقتك معاه جيده !!! كيف ؟
اذا اشتريت منه اي حاجة خلك كريم معاه بالبخشيش يعني راح تكسبه بشي بسيط … ليش ؟
انت انسان مسافر وغريب عن الديره ( خلوني اتكلم بالعامي )
لو حصل أي ظرف وانقطعت المواصلات بالمره الجويه والبريه والبحريه !!! ( صارت حرب او اي من
الكوارث الطبيعيه لا قدر الله ) الشخص هذا اذا كنت معاه طيب راح يكون معاك اطيب وراح يساعدك
على الخروج للدولة المجاوره والعودة لديارك …
6) حاول ان تتعرف على مداخل ومخارج واسماء الشوارع للمنطقة التي تسكن بها …
( يوجد خرائط في المكاتب السياحية )!!!
لو كنت تتمشى بالسوق أو رايح لأي مكان تريد … وحصل امامك مثلاً مظاهرات وضرب مضارب
اذا كنت تعرف المداخل والمخارج ماراح يصعب عليك النجاة من المأزق هذا
نقاط حاولت اختصارها لكم واتمنى ان تأخذوها بعين الاعتبار …!
اتمنى ان اكون قد سردت الموضوع بصوره سهله لكي تصل لما اريد …
واتمنى للجميع سفر وصيف ممتع …
المرفقات …
( فلوسك ثم جوازاتك )
مايبيلها توصيه ….
20 يونيو، 2007 الساعة 8:50 ص #851774جيبتمشاركنشيط صح
شكرا على الموضوع
20 يونيو، 2007 الساعة 10:54 ص #851930ناريلعضويعطيك العافيه فتى العرين
لا توصي حريص
-
الكاتبالمشاركات
- يجب تسجيل الدخول للرد على هذا الموضوع.