والتانية لا

والتالته أيّوه

الأوله آه ..

على الأهل اللي باعوا اللحم في سوق النفوس

و التانيه لا ..

على الحر اللي ذالل نفسه في زمن التيوس

التالته أيوه ..

على صاحب يبيعك لاجل ..

حكّه ف لحم أنثى أو عشان …

حفنة فلوس

منين أجيب ناس لمعناة الكلام يتلوه

قلب الشريف اتنكس والنكسه كانت من أخوه

ويّا ابن عمّه …

وكان تالتهم برضه أخوه

جابوا الغريب واتجمعوا …

بتراب فلوس راحوا يبيعوه

نجع العوانس والقرون

وقانون …

ملّزق …

كعبلون

والقاضي لما شافهاوافقه مقصّّره …

ف طول الجيبون

دلدل لسانه وبل حجر البنطلون

طب بس فين نلقى البراءه ..

ف قلب محكمة القرون

يا حلوه كان راح فين شبابك

لما الحزين دنس ترابك

والمكلوبين تاجروا ف عذابك

قولي لي إيه كان بس نابك

باعوا الطهاره ف قاعدة فيها لحوم طريه

ف مؤتمر داسوا على ..

أحلام نديه

رزعوا السلام ..

غرسة ندامه بروح غبيه

لما انت حره ..

ليه لبستي توب غازيه

راح الخسيس سلم دمانا بدون تمن

باع الرجوله البايره ..

في زمن المحن

قال إيه !!

ها يخطب وحشه بوّرها الزمن

جاته ألف وكسه ..

وألف نكسه

ابن الوطن

كانت مدينتك راجعه بشوية تعب

عمر اللي وطّا في يوم ما..

يصلب عوده بشوية حطب

عمر اللي دبّل صوته ما يقدر ..

ف يوم يطرح غضب

عمر النوى ما نقول عليه ..

ف السوق رطب

كان أصله واطي ..

عاش مطاطي ..

لليهود

باع لحم طاهر لاجل ما يرجع حدود

باع الشرف ..

لما انحرف ..

علشان يبيع دين الجدود

زي خايبه باعت طين مخصّب ..

لاجل ما تكسب ..

بوكيه مليان ورود

هايموت ف يوم منحوس ..

يموت تحت الجزم

عواد زمان باع أرضه ..

من غير ما التزم

عواد رحل وفضيحته باقيه ..

حزم .. حزم

كسب الفلوس .. خسر النفوس

والله انهزم

عوّاد خسيس ..

أهو مات فطيس ..

والناس لاموه

عوّاد خبيث ..

هايموت رخيص ..

أصل اليهود ما هايشتروه

باع عرضه ..

أصل العرض أغلى ..

هايشتروه .. وراحَ يبيعوه

ده العرض خالد ..

أما زفت الطين ..

يغور .. ملعون أبوه

يا مرتاحين من أهلي ..

فين الراحة فين

أنا لو تعبت ما ترتاحوش

دامت لمين

بابكي عليكم دمعتي ..

هاتقيد سنين

ده انتو الغلابه الدور عليكو..

يا مجروحين

أنا عشت حيرتي ..

وجايه حيرة قلبكم

مش هاتلاقوني ..

واقفه أسنّد جنبكم

أنا حرّه وانتو عبيد لجزار لحمكم

أنا حرّه رغم القيد ..

وفين هاشرح لكم

يا ناسي ليه سيبتوا الديار

يحكمها وسط الزحمه فار

لو طفل منكم قام عرق ..

يحرق جدار

ليه سيبتوا ميّه .. وسخه .. نجسه ..

تطفّي نار

أنا دمعي من بين الجفون ..

سايل وهايم

ع الخدود يجرح ..

ويطرح مرّ غايم

دي البسمه ماتت ..

فوق خدودي ..

وفرحي نايم

والشرف .

فين الشرف ..

مطرود وصايم

بتفرّحوني بالأماني .. والأغاني !!

وانتو بتسمُّّوا ف كياني !!

عاجزين .. !!

وليه عاوزين حصاني ؟

سيبوا ابني يركبه ..

يحرر زماني

طب شيلوا إيدكم ..

سيبوا إيدي ..

بس لاجل يقوم وليدي

سيبوا دمه ..

يزور وريدي

بكره يرسم لون حدودي

عذّبوني ..

بس ما تزفّوش عذابي

مش عاوزه يوم حزني ..

أشوفكو تدّقوا بابي

بس اوعوا تشلوا تاري ..

ف عين شبابي ..

لو سكتّم عنّي ..

بكره راح احرّر ترابي

أصل المصيبة ..

تلقى واحد قام وعامل شيخ قبيله

جاته ألف نيله

يبرم شنابه في اتفاق عاجز ..

ما لوش ف الدنيا حيله

يا عم سيبني لوحدي ..

هابني ألف عيله

عامل لي نفسك ليه زعيم ..

ووصي عليا

وانت مش عايش وجيعتي النايمه فيا

بس لو تصبر شويه !!

وتسيبني احلّ أنا القضيّه !!!

يا ما قالوا الناس زمان..

يكفينا مرّه

يعني لا منّه ..

ولا كفانا بلاوي شرّه

يخنق نسيم حريتي !!!

ويدّيني حرُّه ؟!!!

لا سابني اجرّه !!!

وراح بعيد ما رضيش يجرُّه !!!

قالوا القرايب زي عقارب

أصل دي خلاصة تجارب

تلقى القريب يبكي عليك ..

لو كنت غالب

ولو العدا جم يوم طالوك …

مش راح يحارب

ما يجيش م الغرب يسر القلب

ما نطول منهم غير ذلّ وكرب

بيهزوا ف ديلهم …

لمّا يطولوا صداقه وقرب !!

يمسكوا بسنانهم وتقوم حرب

واحنا المتاعيس بنحب الغرب

قاموا يعينوه في قبر أبوه

سرق القدوم وهرب يا هوه

دول مهما نادوا ما يلحقوه

ملعون ف كل كتاب …

كمان ..

ملعون أبوه

يا عاشق الشعر الحزين ..

هات مخلتك

أنا عندي منه جبال ..

هاتتعس حضرتك

لكن في قلب المرّ ..

راح تلقى الدوا ..

هاتلاقي نور حريتك

أنا أصلي حاسس كل أوجاع الوطن

علشان عاصرت خيانة الإخوان زمن

بالت على كتافي الكلاب ..

وقت المحن

وف مزبلة صدري ..

قريت أوراق كتير

أصل الزباله ساعات ..

تطلّع علم متكلّف وفن

غلبان ما ليس لحم العوانس

أسعى بشرف ..

أبني ف عقول ..

تطلع عجول ..

تحمل شهاده ..

ليسانس دبلوم المكانس

وأفصّل الأخلاق مقاس ..

زي الملابس

عايش لوحدي ما ليش أنيس

وصفوني بالمغرور ..

لأني ماليش ديول ..

زمن الرجال ولّى وجه ..

زمن الخوانث

آه يا زمن فيك الخروف علّم

بقرونه والناس تترسم ..

وتقوله : يا معلّم

والفكر صايع ف الطريق

ما لهوش صديق

ف بلدنا دوس فوق الكتب ..

زيّ التتار ..

ما تقولش متعلّم

الست حاطّه الوِرك فوق الوِرك ..

في مكتب جالون

تحكم وترسم ع الشريف ..

وتقول : يا دون

والحر واقف يندبح …

حطّ الجبين …

فوق جزمة الباشا .. القانون

تفتح بتوته ْ مُرّه طارحه ف صدرها ..

ميت ألف باب

آه يا زمن علاّ مقام كل القرون

قلبي عليك يا نجيب سرور

عبدالله جمعة ..

بعد دورك ..

جاله دور

مجروح وشرفه بيندبح زي الطيور

شايل ديون الخلق ..

رافض يغري راسه ..

بلبس تاج مليان .. مرصّع بالقرون

سلّم لي ع المحاسيب ف أرض الكعبلون

ما هو شاف رجال الحكم .. واقفين في الطابور

يستنوا دورهم ..

لحم منتوف بالرياله ..

مالوش منظم للمرور

مبروك يا حلوه ..

جه للحمك ميت زبون

مبروك عليك يا اللي كسبت التاج..

مدندش بالقرون

ملعون أبويا لما قمت ..

وقلت لأ

وعملت راجل مش ف وقته ..

وقلت حق

أهو جابوا ألف خازوق وقالوا :

ده مستحق

حلمي البريء بكرامة الشرفا اتسرق

يا ريتني ركّبت القرون

أهو كان زمان الملك ف إيديا اتخلق

يا ابني يا سامح ..

لو تسامح !!

ذنب أبوك !! ؟

هوّه اللي جابك للضياع ..

ملعون أبوك

وأبويا ملعون زي أبوك

أصل الكلاب خدعوني قي غفلة زمن

باعوني لحم رخيص ..

وجابوا الدلاّلين لاجل يبيعوك

دا ابويا رباني على ..

شرف الشعار

قام قال لي كون راجل ..

هاتملك ألف دار

شرفك دا نار

بحصان عزيمتك راح تعدّي ..

كل ساحات الغبار

يا ابني أبوك غلب الحمار

سمع الكلام .. رفع الجبين

يلعن أبوك ..

كان التمن ..

لحمك رخص ..

وأبويا ملعون زي أبوك

الندل لابس توب أخويا ..

وقال لي : كل الناس وراك

خليك شريف ..

وبكل طاقتي هاكون معاك

وف وقت جد الجد راح قالع رجولته ..

وخان أبوك ..

طلع الشريف خنثى ..

ولابس توب شريف ..

عمّك عماني وصبّ سمه ّ ..

ف ودن ابوك

ملعون أبوك

الندل لابس توب أخويا ..

وقال زعل

لما اكتشف ..

إني حزين ..

والقلب متشحتف عليك

عمرك سمعت ان اللي باع لحمه ..

هايزعل لو يبيعوا ف لحم اخوه ؟ !!

سلم لي ع النايمين ..

على الخوازيق ..

وماضغين الرجولة الخايبة ..

بس رجال عليك

ملعون أبويا لما حبّل أمي ..

جابني للضياع

ملعون أبوك ..

لما وقف يحلم ..

وجابك للخداع

سامحني يا ابني ..

خدعني حلمي ..

طلعت أعجز مين يهوّش بالدراع

تهويش مالهوش تأثير عليك ..

وانت اللي شلت الذنب يا ابني ..

بين عينيك

الست كانت لابسه توب الطاهرين

وانا بالبراءة دخلت معصوب العينين

لما اتوحلْت ..

لقيت على دماغي القرون

حبيت أشيلها ..

لقيت وجع فوق الاحتمال

يكسر رقاب كل الرجال

كان التمن كمّاشه قاسيه ..

تقوم وتخلع جدرك المغروس ف قلبي ..

مع القرون

شوف الشرف ف بلادنا ..

كيف ذل الشريف

أما القرون ..

رفعت صحابها ..

بقم ملوك ..

فوق العروش ..

متقرننين

الست .. ده ..

مش اسمها !

ده وصفها

ما هي طالعه نسخة من امها

وطلعت لها ..

الحربايه بنت الست ..

قصدي ديل الست ..

دي بنت اختها

حبيت ألملم لحمها ..

يمكن تتوب

وعاهدت نفسي ..

وقلت ربك رب علاّم الغيوب

ما هوّه ده قصدي ..

وربنا عالم بقلبي

وكل طيات القلوب

زعلت وحنّت للنجاسه ..

ف وسط بركة أهلها

كرهت نضافتي وشنّعت ..

إني طمعت ف لحمها

قالت لي :

عامل فيها كسرى ؟ !!

بكره تلقى البيت ده طوب

شرف الحيارى اللي انت شايله ..

بتقل دمك مش هايفتح لك دروب

شرفك وساخة ف جلد نعل أبو التيوس

ملعون أبوك يابني يا سامح ..

لما همّل نصحها

يا ريتني كنت … أكلتها

صدقت ف قولها ورسمها

عاوز تعيش !!

قرني المثل

لازم يكون نور قدوتك

لبس القرون من غير رتوش

أصبح معلّم ..

بالقرون فتح الطريق

أما أنا ..

ملعون أبو القلب ..

الي دايب جوّه صدري ..

يتحرق ف محبتك

ركّب قرون

زمن التيوس

والعاهرات ..

دي فرصتك

أرجوك يا إبني ..

اوعى تطلع زي أبوك ..

خايب كبير ..

رسم الشرف ف جبينه ..

فاكر إنه هايكون واد خطير

ملعون أبوك شرفه اندبح ورا كل باب ..

علّق جناحه وراح يطير

شرف الحمير

محروق عليك ..

قال إيه هاوفّرلك أمان

دا انا يا ابن ديل الكلب…

ما عييش حق سلاكة الودان

ولا حتى دكتور السنان

خليك مع الست ..

اللي باعت لحمها ..

وجاب الفلوس

واياك تبص ف يوم لابوك ..

لََ النحس ف عينيك راح يبان

خليك جبان

نافق ودلّس ..

هيه دي أخلاقنا ف زمن ..

الخنوثه. العولمه..

زي اللبان

شوف أهل ابوك ..

رفعوا الشعار المستعار

شرف الشناب الحره فوق باب كل دار

وأبو الرجوله .. لو عرق يحرق جدار

وقعت شنابهم لما ابوك قام واستجار

جابوا له حجه بإنه خانهم

وبكده راح يخذلوه

مش نقص منهم ..

ألف بعد الشر ..

لكن ..

هوّه ده شرف الحمار

يا أهلي قوموا ..

ان كنت خاين اقتلوني

بس انصروني

مش هوّه ده ..

عرف الرجوله اللي اعرفه

ما عرفته منكم ..

لما كنتم أهل ديني

يا أهلي دي لغوله عزيزه بأهلها

ف شدتها جابتهم وداسوا شرف جبيني

مرمطوا شرف الشناب

يا حسرتي

لو كنتو رجاله اقتلوني

مش برضه عاري هوّه عاركم ؟

مش برضه تاري هوّه تاركم ؟

ليه تقفلوا أبواب دياركم ؟

ارتاحتوا مني ؟

ملعون أبو اللي يدق حتى ..

باب لجاركم

فين العمم ؟

فوق الرءوس ترسم دواير

هيه العمم عمّت عينيكم ؟

والشناب قلبت ضفاير ؟

والشعارات الجميلة اترهّلت ؟

واتبدلت عمم الرجولة ؟

والدماغ لبست ستاير ؟

يبقى طز ف كل أهلي

يوم ما باعوني ببلاش

باعوا الضماير

أرجوك يا سامح اوعى تعمل يوم جدع

أرجوك بلاش تعمل حمار

إياك تقلّد حلم ابوك

إنه هايبقى من الكبار

ربّوه على حلم الرجوله المستعار

ياخد بتار

وعلى الربابة بيرسموا له الجنه نار

أبو زيد .. زناتي .. خليفه ..

شايل بندقيه تبخ بعنيها الشرار

شال السلاح رايح يحارب .. يغزو ..

يفتح ف الديار ..

لقى روحه وحده ..

شفت ابوك !!

غلب الحمار

شوف الحزين اللي انت بين أحضانه ..

كيف رسم الناموس

راح جاب ولاده وقال لهم ..

هاتعيشوا لابسين كل أحلام التيوس

وما اشوفش راجل فيكو يستر لحم أخته

لحمكم ده .. يجيب فلوس

يكسر نفوس

زيّ اليهود سمعم كلامه

شوف ..

يا ريتني زيّهم ..

شوف الصراحه بتعمل ايه ..

ف زمن التيوس !!!

الفرق بين الغوله أو بين حلم ابوك

الغوله قالت بالصراحه بإنها ..

بتبيع حشيش

واللحم عندي ما لوش تمن ..

ما يهمنيش

أما الفقير اللي انت عارفه ..

بيترسم وسط الرجال ..

من أهل ابوك

زيّ النعامه ف التراب ..

تدفن دماغها ..

ولما ترفع راسها قال مش واخده بالها

ونافشه ريش

الغوله في زمن التيوس ..

هاتساوي ..

لكن ابو الرجال من عيلة ابوك …

لأ مات يساويش

أنا عشت يا ابني لما جبت الأربعين

عديت عليها خمس سنين ..

وعشر شهور ..

وشوية ايّام مرفقين

ما عرفت يا ابني م الرجال ..

إلا القلايل ..

بس عايشين مجروحين

أما العمايم فوق دماغ المنكوبين ..

هيّه الميزان ..

لو حتى كانت فوق ودان

أنا نفسي اشوف ..

أهل الحسين ياخدوا له تاره من سنين

طب يبقى طُزّ ف عيلتي لو كانوا يسيبوك

إن حتى كرهم فعل ابوك

هوّه انت ذنبك إيه ؟

يا سامح ..

ليه باعوك ؟

بتراب فلوس ..

ملعون أبو العيله اللي من غيرك تعيش ..

ملعون أبوك

شوف اللي فارد ضلّه ..

لابس توب أمير المؤمنين

وتشوفه تخضع للصلاح ..

اللي مغرّز بين عينيه

واللا الصلاح اللي اتنقش ..

فوق الجبين

وتقول عليه ده أبو الحسين

واللا اما يخطب بالبلاغه والفصاحه

تحترم تنقيط لسانه ..

تقول عليه .. سقراط .. نبيل

دكتور جراحه

تحب ف عينيه الصراحه

لئيم يبيع نفسه بجنيه

باع لي أخوه ..

هلهل كرامته ..

لما كان باصرف عليه

يرفع شعار الشرف ..

والصدق في وقت الأذان

تلاقيه يطرطأ ف الودان

يجري عليه ..

جري اللي خايف م الشيطان

ويعد .. ركعه .. اتنين .. تلاته ..

تزوغ عينيه ..

على كام جنيه

لو بالحرام

يمضغ ف أهله ..

تلقى لحم الأهل دايب ..

مضغه من بين السنان

يحقد عليك

لو شاف رغيف قام بين إيديك

آه يا كبير المؤمنين ..

لابس رجوله من ورق

قلبي عليك ..

يا خسيس يا واطي هايتحرق

والله ..

لو إبنك يجيب لك كام جنيه ..

هايهون عليك

يا ابني ونور عيني ..

ووجيعتي النايمه فيا

يجيبوك وياخدوك من إيديا

ومش مهم دموع عينيا

المهم إنك تعيش بينهم شريف ..

تحلم وتتنفس نضيف

مش هوّه ده شعارهم ..

وكل الذكريات ؟

قالها اللي عايش من جدودهم ..

واللي مات ؟

نفسي أشوفك بين إيديهم ..

سبع بشناب الفيران

وف يومها راح أوقّف لساني واعيش جبان

وهاقول عليهم ..

دول رجال

وهاقول شنابهم شعر ..

مش نتفة لبان

طب طّزّ في أم الشرف

وعمل لي إيه ؟!!!

جاب لي إيه إلا القرف

وانا لسه باتعكّز عليه !!!

ما اصحابي باعوه من زمان

ركبوا الكوبيه

سكنوا ف شاليه

والفيلا .. والفيزا التمام ..

وانا خدت إيه ..

إلا الصراع والنطح في أم الحيطان

أنا نفسي أهلهل ذمتي

وأعيش جبان

واركب حصان

واحبس لساني ..

ف قلب بُقّي ..

زي خلايق ربنا

تاكل على القفيان ..

وتسكت

بس .. بتهزّ الودان

عوده تاني لشيخ عيلتنا

أصل ده مخلوق خطير

آه يا ابن دار الفتوى ..

يا منبر علوم .. أخلاق .. ودين

ليه لسان حقك يطير

عامل لي عالم !!

وانت عالمه !!!

والعلوم عندك ف بير !!

وانت أجهل من حصاوي بصاغ ..

ف مملكة الحمير !!

راسم دور دكتور

ورافع لي الشعار

ما انت لو دكتور يا تور ..

طب ليه لبست ودان حمار

الدكاتره ..

يحطوا قطره

مش بلمبه للحام ..

قصدير ونار

طب يبقى طُزّ ..

وألف طُزّ على الدكاتره ..

لو سابوك تمسح جدار

شرف البطوله ف بقّك المتعوس

بيقرا ف الكتاب ..

افتح كتابك

ليه يافالح يا أميرنا ..

ليه فنيت زهرة شبابك ؟ !!

واللا خيبتك زيّ خيبتي ..

داقّه بابك

آه يا أمير كل العمم

والله طُزّين ف اللي جابك

ما كان رافع لي رايات هولاكو

لما راح لأخوه وحطه ف خيط شباكه

وباعكوا لولاد التتار

ما هو مات حمار

هو ورث الزيف ف عيلة اللي جابونا

ع الجبين مكتوب علينا ؟

نفسي راجل منها يطلع يبقى زينه

يقيد ف نار ..

ياخد بتار ..

أمي الحزينه

هوّه ده يا ولاد جدودي كتير علينا ؟ !!!

طب يا أمير المؤنين ..

حللت ليه بيع لحم إبني ؟

ما تبص لابنك .. مش ده برضه زيّ ابني ؟؟

ليه تبيعني ؟

مش أنا اللي كنت ..

متمرّغ ف لون أعتاب ترابك ؟

واخد ابنك جوّه حضني ؟ !!

وديتني لمحامي حقير

ما لهوش ضمير

ما هو زي جنابك ..

ف النجاسه ..

بيتنسخ ميت ألف نسخه ..

ولما باعني ..

وقام خدعني

شهدت ليه ؟

وانت اللي عارف

إني شايف ..

كدب أهلك

وانت بتداري عليه

ما تقول لي متعشّم ف إيه ؟

وانا هادّيهولك

ما انت عارف

كنت شايف

بالآلاف ما كنت باصرف

لاجل اغطّي ذل فقرك

كنت باتستّر عليك

علشان أصونك م السؤال

ده انا كنت باتحجج ..

عليك تعمل برامج

لاجل ما تحسش بإني

كنت باتصدّق عليك

واللا نفسك تنتقم مني ..

لأني كنت يوم راجل عظيم

تجري وتفرح ..

لو تشوفني

كأن إيدك ف النجوم

جيت النهارده عطيتني ضهرك !!

طب وابني يا متعوس .. حرام ..

كان ذنبه إيه ؟ !!

قال لي أخوك ..

اللي اتلدع منك زمان

إنك خسيس ..

وتبيع عيالك ..

لو رخيص

كدّبته ..

يا خيبتي وآمنت

لقلبك المليان إيمان

كانت النتيجه ..

وقعت ..

ف إيديك الخسيسه

بقيت فطيس

طب وانت يا لابس لي توب ..

سل طان .. سليم

ملك الزمان

قلبك سلم واللا مضلم ..

زي ليمان

بتقول عليا أنا الجبان

طب فين يا راجل لحم بنتك ؟

ما انت بايعه من زمان

يكفيني إني نفسي ألملم ..

لحم إبني

ده انت ما تقدر تسكّن ..

بين ضلوعك ..

حتّه من شرفي المبعزق ..

بين ضلوعي

طُزّ في أم اللي ما يتفّش عليك ..

دا انت الشيطان

مهزوم وداقق لي دماغك ..

بين كتافك

نفسي مرّه تبقى راجل ..

نفسي اشوفك ف الميدان

راكب حصان

يلعن أبوك

بُقّك كبير

لو سمعه عنتر كان يخاف ..

من صوتك الملعون ..

ويطلب ألف عون

أو يستجير

انتظروا التكملة