كما هو معروف ان بزراننا هم اتسبادنا

لذلك نبي نشوف وش انواعهم حفظهم الله ورعاهم وفكنا الله منهم

نستعرض معكم أنواع البزران ..

ــــــــــــــــــــــــــــــــــــــــــــ

البزر المفهي :-
هو بزر مايدري وين الله حاطه
أي شي تقوله له بيقول هاه

مستقبله :-
هذا مستقبله غير واضح المعالم لكن مااراح تتعدى شيين يستمر مفهي وهذا الأغلب
أو يتعرض لصدمه تخليه يطلع من فهاوته شوي ..

مثال على ذلك ..

ــــــــــــــــــــــــــــــــــــــــــــ
البزر الجنتل مان أو الجنتل بيبي :-
بزر غالبا يكون اطخم ..تشوفه دايم متكشخ ويتروش كل يوم ويتعطر .. لسانه معسول وهالشي مخليه مخقق كل بنات الحاره ..
مستقبله :-
يكون من اكبر المرقمين في ديرتهم ويكون اسمه في البلاك ليست للهيئه الله يجزاهم الخير

مثال على ذلك :-

ــــــــــــــــــــــــــــــــــــــــــــ
بزر زلابه :-
غالباً مايكون تربية عجز .. مدلع حتى اخر قطره .. لكنه للأسف زلابه سريع البكاء لو تقول له كيف الحال قعد يبكي ..
مستقبله :- يستمر زلابه الين يتزوج ويصير خاتم في اصبع حرمته

مثال على ذلك :-

ــــــــــــــــــــــــــــــــــــــــــــ
البزر المهايطي :-
تعريفه :-
هو البزر الذي يهايط وهو ماعنده ماعند جدتي يكون عرضه للتصفيق والتكفيخ نظراً لمهايطاته الدائمه
مستقبله :-
يستمر مهايطياً للأبد وقد يفقد حياته بسبب الهياط ..

مثال على ذلك :-

ــــــــــــــــــــــــــــــــــــــــــــ

البزر العصبي :-
هذا البزر نارٍ شابه على قولتهم معصب 24 ساعه يستحسن أن يكتب بالقرب منه خطر
مستقبله :- ا
امراض ضغط وسكر وقلب بسبب هالعصبيه أو في السجن لأنه فقع عين احد ولا ذابح له واحد ..
مثال على ذلك :-

ــــــــــــــــــــــــــــــــــــــــــــ

البزر اللي رادن بالدنيا :-

هالبزر اطقع مايشوف العالم مطنش ابو الدنيا شايل من قاموسه كلمة حياء
مستقبله :-
عارض أزياء < قل قسم خخخخخ
مثال على ذلك :-

ــــــــــــــــــــــــــــــــــــــــــــ
البزر الملقوف :-
هالبزر عكوز بكوز في كل مكان مركوز … لا تستبعد ان تجده في أي مكان
مستقبله :-
بيجيب العيد وماظنتي بيصير له مستقبل ..
مثال على ذلك :-

ــــــــــــــــــــــــــــــــــــــــــــ
البزر الدافور :-
هذا البزر دائما متفوق في دراسته دائما يحب يتعلم ويتثقف هالعينه نادره في السعوديه طبعاً
مستقبله :-
دكتور .. مهندس .. او أي شي زين أما إذا كان عندنا بالسعوديه فآخرته مصكوك بعين .. والله اعلم
مثال على ذلك

ــــــــــــــــــــــــــــــــــــــــــــ
البزر اللي عليه حركات ويسمى أيضاُ البزر المتميلح :-
هذا النوع خطير جداً ودايم يجيب المصايب
وهو من النوع اللي مايهرول عبث
مستقبله :-
احتمال يجيب العيد أيضاً
مثال على ذلك :-

ــــــــــــــــــــــــــــــــــــــــــــ
البزر اللي حظه مقرود :-
هذا النوع من البزران اقل مايقال عنه انه مسكين حظه شين دايم
مستقبله :- سيئ للغايه
مثال على ذلك :-

ــــــــــــــــــــــــــــــــــــــــــــ
ــــــــــــــــــــــــــــــــــــــــــــ
يتبع