ولكن الأجمل

أن يكونوا معنا حيثما نكون ..

ولكن كيف ؟

ليس بأجسادهم بل روحهم …. صوتهم

صورتهم في جميع الأمكنه ..

قال : (( يااا فلااانه )) بعدج تذكريني مانسيتيني بعد كل هالعمر ؟؟!

قلت : مستحيل انساك .. انته معايه دوم .. طيفك اشوفه في كل مكان … صورتك معايه في جميع الأمكنه …

قال : معقوله .. مانسيتيني يعني تشتاقيلي .. يعني بعدج تحبيني ؟

قلت : اكيد لاني دايم المحك في كل مكان … واشتاقلك .. في كل لحظه .. احبك بس ؟؟ … تدري شو اتمنى ؟؟

قال : شو تتمنين ؟!

قلت : ليت لي قلبين !!

قال : قلبين مره وحده ليش تحبين فيهم غيري ؟؟

قلت : احب فيهم غيرك !! … كيف .. كيف ..

اقول اسمعك شي ؟؟

قال : شو؟!

قلت :

المحك بين الدفاتر والصور
واستعيدك كنك بجنبي هنه

واسهر ولأجلك تعلمت السهر
والتحف همسك وتاخذني سنه

والتقي بك حلم ماوده يمر
دون ما قلبي بحسنك تفتنه

آه لوتدري الغلا لك وش كثر
لو خفيته عنك عيني تعلنه

لك جمعت احساسي طيور وزهر
ولك كتبت قصيدي واحسنه

ولك نثر الود في دربك عطر
وان بغيت العمر لجلك ارهنه

لو بقول اشتقت لك كيف اعتذر
وصورتك تسكن جميع الأمكنه

مايهم ان كان يمضي بي العمر
دامك الأيام وفصول السنه

ليت لي قلبين يا اغلى البشر
قلب احبك به وقلب تسكنه

قلت : عرفت ليش اتمنى لي قلبين؟!!!

قال : ههههه اكيد عرفت ..!!