- This topic has 7 ردود, 6 مشاركون, and was last updated قبل 14 سنة، 11 شهر by
.
مشاهدة 8 مشاركات - 1 إلى 8 (من مجموع 8)
-
المشاركات
-
عصفور قليل بس.. وازن كتير
طاير صبح .. والليل عامل نايم
على الشجر سارح وهايم .. ياما شاف افلام
وضحك على الغلبان .. وحب واشجان .. وفرح واحزان
والناس فكرينوا نايم .. مع انه صاحى وفاهم
وبالامارة بيعملها عليهم .. ويقولوا رزق وجاهم ..
ملوش دعوى بأرض وطين .. ولا ديون وهموم
وكل دى مش سيبينه فى حاله .. والنوم ما يحلالوا ..
ومن غير صوت وفى السكوت .. يلاقى طلقة موت رايحاله
ومن غير سابق انذار .. يلاقى جناحه مش طاير
ويفضل الليل سهران .. من الوجع يتألم تعبان
ويطلع عليه نهار.. ويقف مكسور محتار
مش قادر يسافر ويغادر .. مش قادر يروح ويطير
كل اللى يملكه جناحين .. بيطير بيهم صبح وليل
ولازم يتحرك ويروح .. ومش قادر للمساعدة يبوح
عاوز ياكل ويشرب .. عاوز ينزل ويطلع
وعلشان هو عصفور شايفه صغير .. بس فى نفسه كبير
اتحمل آلمه وكابر .. نزل من على الشجرة وغامر
هيموت من قلة الميه و القوت .. وكاتم من غير صوت
هيعمل اه لازم يتحرك وينزل من على الشجر .. وشال جناحه المكسور
ونزل على الارض على طول .. يدور على فطار ولا حبه فول
ولا نقطة ميه فى علبه فاضية .. ولا لقمة عيش فى الحشيش
دى كويس انه معندوش عيال .. كان عمل اه الغلبان
دى الصياد مرحموش .. مش قادر يميز ويشوف
انه عصفور ضعيف مسكين .. معندوش شعير وطحين
وهو بيتالم ومن الوجع مش قادر يكمل .. داس على جناحه وأتحمل
واطفال بتلعب حوليه .. مش شيفينه هيدوسه عليه
ماشى على رجليه هيعمل اه .. كان طاير فوقيهم بقى تحتيهم
هتعمل اه يا صياد بعصفور .. لا لحمى يفيدك ولا ريشى يغنيك
دى انت لو حاسس بالألم اللى انا فيه .. ما كنت رفعت ايدك وهان عليك
بس ربنا عظيم وشايف العصفور والامير .. ودى اختبار من عند ربى كبير
وان كنت يا صياد مش همك حساب .. ونسيت الحشر و القلم والكتاب
وأن كنت تقدر تجيب دكتور .. وتجبس المكسور .. وتولع وتطفى النور .. وتبا مستور
انا يا عصفور قليل الحيله .. عزيمتي وثقتي فى ربى كبيرة
دى مش طلقت بندقية .. دى اختبار من عند رب البريه
هصبر وهكمل واشكر وأتحمل .. من غير شكوة .. ومن غير صوت
دى فيه حساب وحشر وقلم وكتاب .. وان مت هموت شهيد .. وان عشت هطير بعيد
ومش على طول يدور على شعير ولا حبه فول .. ويطلع من شارع لشارع
بص شاف حمار .. واقف بعربية خضار .. .. وبياكل علف و برسيم
شافه العصفور الحمار .. والحمار شاف العصفور .. ضلل عليه بجسمه الكبير
ووقف فوقيه من زحمه المرور .. ويأكل الحمار البرسيم .. ويوقع من فمه القليل
والعصفور يأكل من تحتيه .. شبع العصفور .. والحمار عاوز تانى يديه
الحمار شايفه عصفور ضعيف جريح .. حاسس الحمار بالألم اللى بيه
أصل الحمار عارف ان فيه حساب .. وفاكر الحشر و القلم والكتاب
ورجع العصفور على الشجرة .. ونام بعد ما كله اصبح تمام
وتانى يوم الفجريه .. صحى جناحه بعد ما اتلم جرحه
وطار من تانى .. فى ملكوت الرحمن
طار بعيد .. عن بندقية الصياد
عصفور صغير بس.. فى نفسه كبير
عصفور قليل بس.. وازن كتير
طاير صبح .. والليل عامل نايم
على الشجر سارح وهايم .. ياما شاف افلام
وضحك على الغلبان .. وحب وإشجان .. وفرح وأحزان
والناس فكرينوا نايم .. مع انه صاحى وفاهم
وبالإمارة بيعملها عليهم .. ويقولوا رزق وجاهم
يا سلام يا حمار .. دى اللى غنالك .. مش غلطانبقلم الفقير الى الله / فهد العرب
سلمت يداك اخي فهد العرب..
موضوع يحمل الكثير والكثير من المعاني الجميله والوصف الرائع..
اجمل التحايا لك ولقلمك المبدع..
صاحب المشاركة : مشتاقه لجراحه”ubbcode-body”>
تقبل مروري
مرورك مقبول
بكل ترحيب وشرف لقلمناجزاك الله خيرا اختى
تقبلى شكرى وامتنانى
مشاهدة 8 مشاركات - 1 إلى 8 (من مجموع 8)
- يجب تسجيل الدخول للرد على هذا الموضوع.