السلسله مهداه لمجالسنا
والجزء الاول سبق عرضه
الجزء الثانى

الأستاذ عاوز يبا رئيس جمهورية

ندخل فى الموضوع على طول ونقول اتصل حسين بخالة المعلم زكريا يضمنه بالبطاقة الحكوميه اصل خاله موظف شغال ومش شغال فى البلدية أصله راجل صاحب مالية
وخد حسن وحسين من قسم الازبكيه فى الضهرية وركبوا عربية المعلم زكريا وفى طريقهم لميدان الحلمية اصل حسين والريس حسن مشيوا كتير مش درين من الحلمية للازبكية ومرور وزحمة وناس مخنوقة وناس مش طايقة لبعض كلام .. وهما خارجين نفس الواحد ينام ….
ونبتدى الحكاية
المعلم زكريا خال حسين : وانتم مش حاسين وانتم ماشين من الأزبكية للحلمية أنتم نايمين

حسين : أصل كان حسن عامل رئيس جمهورية وبيحكيلى هيعمل ايه فى البلد ديا
بس كلامه بجد جامد وكله مسئولية ووطنية وإنسان مصرى عاوز يرجع للناس المصرية
المعلم زكريا : يا عم انتم هتغيرو الدنيا ديا شوفلك شغلانه مش خلصت ياد انت وهو الكلية .. أنتم اصلكم أفندية مش شايفين المرور والزحمة ديه ولقمة العيش صعبه وكسرت نفس من الصبحية مين فاضى للقاضى والسياسه ونهب الحرميه ..
طيب تعالى يا فالح وقولى هتعمل اه فى المرور والزحمة ديه وحال الناس متعطل من الصبحية مش عاملى يا أفندى رئيس جمهورية

حسين : هس محدش يتكلم ولا يفتح يصوت دى أحنا مستنين من بدرى يتكلم و يطلع من السكوت علشان دى بيقول كلام مظبوط
الريس حسن : هى ليه الزحمة دى تقدر تقولى يا معلم زكريا

المعلم زكريا : يعنى … ليه ناس جيه من أخر الدنيا من أسوان للإسكندرية بتخلص حالها من الوزرات والمصالح الحكومية وشويه تانى .. تشريفه بتاعت البهوات معديه موقفين ليها دورية ولا مسورة ضاربه .. ولاحادثة عربية ..

حسين : قول يا ريس هنعمل اه متشوقين :

الريس حسن : هتكلم .. مش عاوز ضحك وملاغيه…المفروض يتعمل مراكز لانهاء الاوراق والمعاملات الحكومية اللى لازم تيجى تختمها من الوزارة المعنية مبنى كبير فى كل محافظة فى الجمهورية تكون على أتصال مباشرتا ووقتيه مع كل وزارة خاصة بيها تخلص للناس حالهم والاختام اللى لازمة كمان .. و نخف ضغط الزحام .. وحوادث طرق وناس بتموت على القطبان ونريح المرور والزحمة والسكان وشعب ينام مستريح من الدقهلية لاسوان ..

حسين : ياسلام ويرحموا المواطن التعبان اللى بيسافر من زمان مش هو و بيته اهله اولى بالمصاريف ديه . ويخلص اجراءاته وحاجته بمنتهى الروتين والسرعة والمسئوليه

المعلم زكريا : اه دى .. انت.. ياد.. كلامك فى شىء من الدراسة والمفهوميه انت عارف هيبا اه حال البلد ديه من زحمة مرور من الصبحية للضهرية ..ومع عندهم الانترنت والتكنولوجيا ومسمينها يا خويا الوزارة ا الذكية مش قادرين يعملو اتصالات مع فروع الفكرة دية من اسوان للسكندرية .

حسين : أشطه عليك يا معلم زكريا اه الحلوة ديه .. دى . أنت طلعت ابو المفهوميه .. دى الريس حسن كان لسة هيحكى قبل ما تيجى عربية الدورية هيعمل اه فى العملية الدراسية والدينية وتأثيرهم على الحياة الاجتماعية ..

المعلم زكريا : اه عليكى يا بلد .. مضيعة الشباب الحلوة دية خيرك لغيرك مش ليهم .. أبوهم وموهم ربوهم وعلموهم والعساكر جين يمسكوهم ..

حسين : الطريق فتح الحمد لله .. بس كمل يا ريس حسن وحنا ماشين حكاية الدين والتعليم أنت قلت ان المادة الدينية مش هتدرس فى المدارس بس هيكون ليها كتب ومقررات وتوجهات دراسية طيب تيجى ازاى النظرية ديه ..

الريس حسن : دى أحنا هنزود مقرر المادة الدراسية ….

المعلم زكريا : ازاى مش هتدرسها وازاى هتزودها
حسين : انا كنت بقاطعه زيك كدا الاول اسمع كلامه كله وعلق وفى الأخر بحريه قول يا ريس

الريس حسن : هنعمل قانون تعليمى .. نحدد فيه المقررات الدينية هيتكون من ثلاث مراحل الابتدائية والإعدادية والثانوية ولا يجوز التخطى من مرحلة للتانية من غير ما يكون ناجح فى مقرر المادة الدينية سواء إسلاميه او مسيحية يتكون المقرر الاسلامى من أجزاء من قران الكريم للحفظ وعقيدة وسنه وتفسير على حسب ما يشوفوه بتوع التربية لكل مرحلة من مراحل التعليم . والمقرر المسيحى مقرر كمان يكون كبير .. والنتيجة تقف بتاعت الطالب اللى ينجح فى كل المواد واللى يسقط فى مادة الدين .. المنهج مش هيكون كبير ولا صعب ولا مستحيل .. دى هيعرف الطالب ازاى يكون حكيم ويعرف يعنى اه اخلاق ويعنى اه دين .. ويفرق بين الغلط والسليم ويعرف يعنى اه افكار متدين . وافكار متخلفين
وهتتفتح ابواب المساجد للتعليم وابوة هيمسك المصحف علشان يسمعله الكافرين وامه هتصحية علشان يروح درس الدين وتراجع معاه دروس العقيد والفقه السليم ما هى لازم تتعلم هى كمان يعنى اه دين .. ولحد ما يروح الكلية يكون مصرى مسلم او مسيحى فى السليم عارف ربنا ومعاه اليقين يقف فى وش المستقبل وهو رافع الجبين اصله حفظ كلام ربنا وعارف سنه .. ويعنى اه دين وعرف يفرق بين قول ربنا ورسوله وقول الأمير و مش هيكون فيه ارهاب ولا مجانيين .. لانه عرف يعنى اه دين …. بنعلمهوله من صغره …. علشان عارفين ..

حسين : ومش عاوز بعد كدا ميكنش فيه مجتمع سليم .. دى هيكون فيه مجتمع يحارب الصين

المعلم زكريا : المفروض ما احنا فى دولة اسلامية انت كلامك يا بنى دخل دماغى
والمفروض يدرس بجدية .. انت تعرف يعنى اه تطبيق الفكرة ديه يعنى الواحد هينام فى امان مش هخايف على ولادة وبناته من غدر الزمان هيكون فيه دين وقران وناس عارفه يعنى اه شرف ة يعنى حرام .. ويعنى اه تعطف على الغلبان .. دى اللى احنا فيه يا بنى .. من غضب الرحمن

حسين : الحمد لله وصلنا خلاص

الريس حسن : شكرا يا معلم زكريا تعبناك معانا من الصبحية

المعلم زكريا : بس لما تتكلموا اقعدو على الكافتيريا .وبلاش تتمشوا للفجرية .سلام ونفض ومشى بالعربية . اصله كبير وشايف ودارس الخلفية .

حسين : خلاص يا عم دماغك .. أنت رايح فين الصبحية .

الريس حسن : رايح أشوف موقفى من الخدمة العسكرية .

حسين : فى طريقى ما انا كمان رايح اقدم ورقى فى الخارجية .

ومن يوميها حسين خايف يعدى على حسن .. لحسن يتمشى معاه وتقبلهم ورديه علشان امتحان الخارجيه وحسن خايف يعدى على حسين من يوم الازبكية ويتكلم معاه تانى ويتحمل المسئولية .

شفت الاستاذ اللى عاوز يبا رئيس جمهورية

وحسين يا خسارة سقط فى امتحان الخارجية مع انه ناجح بتمانية وتسعين فى المية اصل دى يا عم محسوبية .. واشتغل فى بنك الدقهلية اصله خريج أقتصاد وعلوم سياسية .وحسن راح العسكرية لبس ظابط احتياط على الحدود المصرية الاسرائلية وشاف علم اسرائيل مرفوع على الاراضى العربية .

بس خواطره فضلت معاه وزادت كمان .. كل سنيين الحربية …

ومن سعتها حسن مشفش حسين غير بعد سنين

وكلام الريس حس وحسين

بس كلام هيكون طالع فى الصميم من حسن وحسين خبرة سنيين وكلام حكيم

أنت فاكر لما كنت عاوز تبا رئيس جمهورية

حسن : دى كان من زمان يا مان

حسين: ويا ترى عملت فيك اه السنيين .. وغيرت من الافكار والقوانيين

أسيبكم انا بئا علشان دول هيتكلموا تانى ويقولوا اًهات وسنين ومصر وملايين
ومن حسن لحسين وكلام عن فلسطين

وانا عاوز أستريح من التدوين والدواوين
كل دى
علشان الاستاذ

عاوز يبا رئيس الجمهورية …………… وووووووووو السلام عليكم

انتظروا الجزء الثالث بقلم الفقير الى الله / فهد العرب