شوربة البروكلي مع البطاطا

خذيتها من موقع وحده ع البلوق بس اللحين مب لاقتنه ان لقيته بضيفه
المقادير:
2 شوربة البروكلي من ماجي..في الموقع استخدمت شوربة كريمة الدجاج والبروكلي الفرش بس..وانا غيرت شوي ( إذا كان لكمية كبيره يعني واشخاص اكثر)..فطورنا دومه جيه ههههه
1 شوربه كريمة الدجاج من ماجي او كنور
ربع كوب حليب ( مافي حليب في الطريقة اللي بالموقع بس انا حطيت شوي)
ملعقة كمون مطحون ( اساسي اول مره احس طعمه حلو في الشوربه)
ملح
فلفح حسب الرغبه
بروكلي فريش
بطاطا
بصل اخضر
جبن تشدر اصفر مبشور

الطريقة:

نقطع البروكلي قطع متوسطه لصغيره ونقطع البطاطا قطع صغيره ونضيفها للماء ع النار لحد ما تستوي ونسكر ونصفيهم من الماي ونحطهم على جنب.
نجهز مقدار الماء للشوربه يكون فاتر ونضيف شوربة البروكلي وشوربة الكريمه ونحركة عشان لا يعقد ونحطه ع النار لحد ما تتماسك ونضيف الملح والفلفل والكمون والحليب.
نضيف البروكلي والبطاطا دقيقه وبعدين نسكر النار
بعدين نجهز الخلاط عشان نضيف الخضار اللي بالشوربه بس نخلي شوي بالشوربة ما ننخلطهم كلهم ( البروكلي والبطاطا) ونضيف شوية ماي من الشوربه ونضربهم بالخلاط ( بس ها تحملوا ترا ساخن…كنت ع وشك احترق LOL هذا اللي مب ضاري ع الطباخ)
المهم بعد ماتخلطون في الخلاص شوي ترجعون تضيفونهم ع الشوربه بتكون سميكه شوي تسخنونها وتسكبونها
قبل التقديم تقطعون شوية بصل اخضر وتبشرون جبن تشدر الاصفر وتنثرونهم فوق مثل الصوره

وبالعافيه

على فكره لذيذه يم يم..بس بعد ماروم اعيدها

سوري تصوير البي بي