- This topic has 3 ردود, 3 مشاركون, and was last updated قبل 14 سنة، شهر by
.
-
المشاركات
-
تجلى السيدة العذراء [color:#CC0000][/color][font:Arial Black][/font]منتهى التجلى
———-
فى التلفزيون كان عم سيد يتحدث…رجل كبير متحمس لتجلى السيدة العذراء على احد ابراج كنيسة بالوراق
لفت نظرى تلك الحنكة والمهارة التى يقوم بالاعلان المجانى والاغراء فيها
الكرسى بيتأجر بعشرين جنيه دا غير المشاريب
وعشرة الآف شخص رجال ونساء ومهرجان
الله عليك ياعم سيد
لماذا لااشارك فى هذه الاحتفالية وخصوصا ان الراجل بيأكد على مدار 24 ساعة افواج رايحة وجايةمن كل الملل
بس ..هى دى..نساء ومناسبة عظيمة وبنات وزيطة ..ابتسمت بلؤم
ونظرت فى الساعة …لقيت الوقت معقول والمواعيد اللى عندى كلها تصد النفس
احلا حاجة التجلى …جريت غيرت ملابسى وانا احسبها كرسى لى وكرسى لبنت ولا ممكن يكون معاها بنت كمان قريبتها موش مهم قول على كام مشروب
والمناسبات اللى زى دى بهجة للمصريين يقنعوا نفسهم بيها والكل بيسترزق بتاع اللب والسودانى والبطاطين والقهاوى
وموش بعيد يجيبوا مراجيح وكافة شئ تلاقيه يعنى ممكن تجهز عروسة من البياعين
مناسبة دينية واقتصادية وترفيهية وبعيدا عن نيتى انا فقد تكون مناسبة للتأمل المعنوى
والكل فى حاله مولد وصاحبه غايب والانظار كلها معلقة على التجلى ولاحدش بيحس بحاجة
ولكن هاجسا اتانى تلاقيها برضه مليانه مباحث ومخبرين
ياسيدى هو حد عارف اللى ف قلبك ونيتك ايه
انت رايح تشوف التجلى
ابتسمت وفرحت لفكرتى ..الله ع التجلى
تحسبا لانى هاتأخر وده هايكون على حسب الارزاق
قلت لمراتى انا رايح الوراق.. ورسمت الجد والوقار الشديد وقلت : هاشوف حكاية التجلى دى ايه
كفاية فاتنى عدد 2 تجلى قبل كده ف المعصرة والزتون
قالت وقد شعرت بمهابة الموقف : طب ماتاخدنى معاك
انت بتقولى ايه ياوليه؟ دى زحمة وخلايق رجالة على نسوان كله ف قلب بعضه (كان قلبى فرحا وانا احكى ذلك)…انا هاصورهالكم واحكيلكم كل حاجة
استرجعت كام حكمة كده وقعدت اقدح فى ذهنى عن اى حاجة زى المجمع المقدس والبابا كرلس والحمام الل بالكهربا وبينور الحقيقة دماغى كانت فى حاجات تانية خالص… قلت لابأس ابقى احكى من دماغى
هو يعنى اللى رايحين دول ماتلاقى نصهم زى حضرتك..ورايحين لنفس الغرض.. وهوب نطيت ف الاتوبيس وعلى الوراق
………….
التجلى ده احساس روحانى موش جسدى
حاولت اقنع نفسى بكده وانا اقترب من موقع الحدث
الله عليك ياعم سيد ..قلتها وانا ارى بنت زى لهطة القشطة تسأل عن التجلى
قلت نهارنا ابيض ..وانا طول عمرى حاسس بينى وبينك عمار ياست ياعدرا
زحمة وناس ياما …مهرجان وهتافات …انا هاشوف السيدة العذراء خمس دقايق كده على ماقسم
واركز بقى فى مشوارى وهى ليلة كلها بركة
………………..
اجارك الله …فعلا الاعمال بالنيات ليلة مايعلم بيها الا ربنا
كرهت التجلى وحمدت ربنا ان فاتنى تجلى شبرا والزيتون وكل التجليات وبقيت شايل هم الرجوع
حتى التجلى بقى فيه كوسه ومحسوبية
وكتمت زفراتى و فى طريق العودة سألت الجالس بجانبى : هو مولد السيد البدوى امتى بالظبط؟؟
وكأن ابن اللئيمة قرا اللى بيدور ف دماغى فقالى : ماخلاص ظبطوه مابقاش زى زمان
الحكومة حطت مناخيرها فى كل حاجة
ولما رجعت سألتنى :شفت التجلى ؟؟
رديت بمنتهى القرف: انت بتصدقى الكلام الفارغ ده
الله يخرب بيتك ياعم سيد
ان جلال الخالق العظيم المتجلى بنوره على الكون كله لا مجال فيه لتجلى احد
ولكن تقول ايه…اهو كلام واسلام….. وان كان فيه تجلى لا ولن يكون لحد ميت…..إ
- يجب تسجيل الدخول للرد على هذا الموضوع.