وإذا يعنى تضايقنا..؟
بنغيّر شى؟
وإذا مات الزهر ف اجمل حدايقنا
بنغيّر شى؟
وإذا ب هدومنا ضقنا
بنغيّر شى؟
كثير نمر بعض احيان بـ ضيقة بال
زعل صاحب
وحاجة مال
شتيمة شخص مايعرفك
عتب قارئ
ونزعل حيل نتضايق
وإذا يعنى تضايقنا,,!

[/color]وإذا يعنى تضايقنا
هى الضيقه بتكون الحل!!
اذا كانت شموس الوقت تحرقنا
هى الضيقه بتكون الظل!!
إذا غابوا جميع الناس وتفارقنا
هى الضيقه بتكون الخِل!!

[color:#006600]وإذا يعنى تضايقنا..!!
وكثير من التعب ذقنا
وسهرنا الليل
بيجى صبح ويفرقنا
ونبكى سيل
لين الدمع يغرقنا
ولابه شخص ف الدنيا بليا هم
أحد ضايق
سبب فاتورة الجوال
احد ضايق
عشر سنين متزوج وربك مارزقه عيال
احد ضايق
لأن البيت به صجه وزحام أطفال
أحد ضايق
من السكّر
أحد ضايق
لأنه نايم مبكّر
أحد ضايق
لأنه حبها بـ خبال
أحد ضايق
لأنه مامعاه ريال
هموم أكثر من اللازم وتخنقنا
سؤال الحال!!
وإذا يعنى تضايقنا..؟

وإذا يعنى تضايقنا..!
من اللاشى
الى اللاشى
على اللاشى
تخانقنا
وندخل فى نوايا الناس
أظن فلان يقصدنى
أظن السيده فلانه تسب الانسه فلانه عشان العانسه فلانه
أظن الناس هنا بالحيل تكرهنى
أظن السيده فلانه تعالج من مرض نفسى
أظن فلان غبى ويشابه الكرسى
أظن فلان لها يكتب شعر حتى تغنى به
أظن البنت بنت شيوخ
أظن البنت لعّابه
أظن البنت كذابه
أظن البنت حطت (ورد) وسط(الرد) سبب من شان نتعرّف
وأتقرف
ترانا ناس فينا كذب
وغبى منهو يصدقنا
وإذا يعنى تضايقنا..!!

[color:#990000]وإذا يعنى تضايقنا..!
إذا راحوا
وخلّونا
نسوا كل الكلام العذب
بكّونا
وعرفنا بـ يوم بأن كل الحكايه كذب
ملّونا
وإذا خيّم علينا الليل
ماأشرقنا
وإذا ضقنا
وصار الحرف حبال فى مشانقنا
بعد هذا
وإذا يعنى تضايقنا..!

وإذا يعنى تضايقنا..!
وطيّرنا فراش النوم
ومسحنا كل الوانه
وإذا سيطر على جوّك حزن ووجوم
وبديت تفسر الاشياء على كيفك
زعلك لـ غيبة فلانه
وبنت كنت تعرفها قبل مده وتفارقتوا وجتك تقول:
ولهانه
وبنت كل ماتحاول تصارحها بـ أحبك حيل
تستأذن:
بروح آنام نعسانه
وبنت تعشق الدافى من الهرج
وتمرّك حيل بردانه
كثير أشياء غلط حولك
وجوه الناس
تعبانه
قلق مدرى طفش مدرى تعب مدرى قرف مدرى ترف
مدرى الناس زهقانه
كثير اشياء
تزهقنا
وإذا يعنى تضايقنا..!

هذه القصيده اعجبتني كثيراً وقررت ان انقلها لكم ولكن لا اعرف من قائلها