الرئيسية › منتديات › مجلس الأعياد والمناسبات › بوقلات العيد مني لكم..

مشاهدة 5 مشاركات - 1 إلى 5 (من مجموع 5)
  • الكاتب
    المشاركات
  • 9 نوفمبر، 2011 الساعة 11:30 ص #143322
    حنان نور الهدى
    مشارك
    السلام عليكم … ومرحبا بيكم
    نقول للجميع ** صح عيدكم أعاده الله علينا بالخير ** ومع فرحة العيد جمعتكم على بوقلات من قلب الجزائر… وعلى كل شخص يعقد النية  على شخص معين أو حدث منتظر بعدها ..
    اختارو رقم

    اختارو قبل الزوووووووووووووول

    1/ باسم الله بديت وعلى النبي صليت : يا لي جاية من العين..وبيدك مليتي السلة..سبحان من عطاك الزين.. وزاد في بهاك ذيك الحلة .
    2/ رشيت عتبة البيت بالزهر والطيب ..وسقيت كل الاحباب بالعسل والزبيب ..وكي نسيت جاني جواب كنت نستناه (ننتظروا)من لبعيد.
    3/ أصلك اصلك .. وما ينفع غير الصح .. مولاة ( صاحبة) النية الصافية..عليها ربي يفتح ويفرج..تطول ولا تقصر ..يجيها السعد والربح.
    4/ خرجت يوم الجمعة.. في يدي شمعة..قالولي امسحي ذيك الدمعة ..وانساي الخلعة (الخوف)..قريب يتلموا  حبابك وصحابك.. ويفرحو معاك الجماعة.
    5/ الشمعة ..يا الشمعة الضواية.. لو كان نعرف وش بيك..نمسح هذيك الدمعة من خديك ..ونرد(اخلى) وجهك مرايا(مرآة).. يا ربي يا معبود اقبل دعايا..رجع لي زهو (فرح)الزمان..ويعيا الحبيب قاعد معايا..
    6/الطمع يتلف الغيبة.. والخوف يفسد العزيمة ..ومكتوبي الزاهي فرح لميمة .
    7/ غالي غالي..والغالي ربي.. مهما تروح وتبعد محبتك في قلبي.
    8/ العازب طلع.. والعازبة طلعت (خرجت) تنشر.. تلاقت العين مع العين.. والقلب تكسر.
    9/ ماني طبسي ( لست كاسا)يتكسر.. ماني وردة نذبل ..رانى (انا)خاتم في يد سيد الرجال .
    10/نزلت لقاع البحر..خرجتلي جنية..قالت لي وش بيك يا لالة(يا ستي )مهمومة .. تكلمي وافتحي قلبك ليا مولاتي..هذاك حبيبي اداوه (اخذوه مني) ..قلبي معاه وقلبو معها هي.
    11/النور يا النور ..والنور عينيا..طبطبوا على الباب (دقوا)
    وجابلولي عزيز عليا..راني نتمنى من ربي يجي يطلب يدي من ماليا (من اهلي).
    12/ طلعت للسطح..وفرشت زربية ..حرقست عينيا..افرحي يا يما سعدي (حظي) ولا (رجع) ليا..نستشفى(ننتقم) في العدو كيما استشفى فيا.
    13/في الدار صندوق مخبي..في وسطو ذهب وجوهر ومرجان وروبة قطيفة.. قالولي ماليا(اهلي) لمن مخبيه ..قلتلهم لهذيك مولاة(صاحبة) الشان..مولات المشية الظريفة.
    14/ يا لالة يا لالة(يا ستي)يا مولاة القلب القاسي..حني على حبيبك يا لي طيرتي مني نعاسي..ملي شفتك راني (انا) نتعذب عليك.. نعادي اماليا وقاع(كل) احبابي وناسي.
    15/ شجرة على طرف البير ..واعراقها ديالا..يما شفت الطير وجهو كي لمرايا (مثل المرآة) عليه نطوي الثنايا.
    16/ غرست يسمينة في وسط الدار..اطرافها نوار ..يما يا يما(ماما).. محلى عشق الجار ..العين تخزر(تشوف)في العين..والقلب شاعلة فيه النار.
    17/ دارنا في الجبل..مقابلة مكة..وفراشها حرير طبقة على طبقة .. ومصباح الفضة يشعل وما يطفى.
    18/ ما ناكلش القارص لو مشهيني..ومناخذش شيخ لوكان يغنيني ..ناخذ شاب صغير لى يواتيني( يناسبني).
    19/علاش (لماذا) يا لالة (يا ستي)التخمام ..رحمة الله واسعة وكبيرة..لو جات على الكلام نتحدثوا ونعطيلك تدبيرة..بصح كلشي بالكتوب..ويعيا (رح) الخير يبان..وتزول عليك الهموم..وتروح الحيرة.

    نتمنى تعجبكم..وكل واحد يقولي حظو..
    تحياتي.

    9 نوفمبر، 2011 الساعة 2:07 م #1525427
    abdallahicom
    مشارك

    شكرالك علي الهدايا

    وجزاك الله خيرا

    وعيدك سعيد  والايام التي بعده اسعد

    http://im14.gulfup.com/2011-10-24/1319485491241.gif /1

    tp://im13.gulfup.com/2011-10-24/1319485893951.gif /6

    وشكرا

    10 نوفمبر، 2011 الساعة 11:27 ص #1525471
    احلى غرام
    مشارك
    مع ان لهجتكم  الجزائرية صعب علي افهما

    اخترت هذه:

    18/ ما ناكلش القارص لو مشهيني..ومناخذش شيخ لوكان يغنيني ..ناخذ شاب صغير لى يواتيني( يناسبني).  

    شكراً لك عزيزتي

      
    13 نوفمبر، 2011 الساعة 10:37 م #1525767
    تحيا مصر
    مشارك
    17/ دارنا في الجبل..مقابلة مكة..وفراشها حرير طبقة على طبقة .. ومصباح الفضة يشعل وما يطفى.

    بارك الله فيكِ

    11 يناير، 2015 الساعة 6:12 م #1556458
    غير معروف
    غير نشط

    li dar lb9alt hadou n9olo mrc mrc

  • الكاتب
    المشاركات
مشاهدة 5 مشاركات - 1 إلى 5 (من مجموع 5)
  • يجب تسجيل الدخول للرد على هذا الموضوع.

يستخدم موقع مجالسنا ملفات تعريف الارتباط الكوكيز لتحسين تجربتك في التصفح. سنفترض أنك موافق على هذا الإجراء، وفي حالة إنك لا ترغب في الوصول إلى تلك البيانات ، يمكنك إلغاء الاشتراك وترك الموقع فوراً . موافق إقرأ المزيد