ياصاحبي واللي فرض حجة البيت      
إن الوفـا في ضـميري له دلايل

البـارحه هـانت عـليه وشـبّيت            
ضـوي وقمت أعـدكم لك جمايل

لا خابت الهقـوات واللي تهقـويت            
ما تنفع الصملات راعي الصمايل

يا صـاحبي لاجيت أبنسى وسجّيت            
لقيت لك في كل عـرق غـلايل

ما خطيت يوم إني بصدقي تماديت            
والصـدق تتعب له بنات الحمايل

أنـا ماظـن إني لحـدّي تعـدّيت            
ولا ظنتي قـولي بليـّا فعـايـل

اللي حـوالينك تـراهم شـماميت            
وقـدام عينك يدّعـون الفضـايل

أنا الوفا لي في دروبه ترى صيت            
وصيتي تستوى به جميع القبايـل

والبـارحه ضاقت بوجهي وملّيت          
  وقمت أتكاثـرها ولو هي قـلايل

وأبعتذر..إن كان في حقك أخطيت            
ولا لحقني مـن وفـايه خـلايل

لكن ترى واللي فرض حجّة البيت            
إن بضميــري للمحبـّة دلايـل

بنت أبوها    

ملحوظة:من أشعار الشاعرة/ بنت أبوها

أتمنى أن تعجبكم

_______________________________________

اضحــــك وفكّر بإيجابية…