خمس دوريات شرطه
ضابط وسبعة جنود
اربعه ضحك وسوالف
وواحد مبهذل عباد الله رخصه واستماره
واخر من هناك ياشر .. احجزه هذا مخالف
وسابع يولع لابو نجمه زقاره .. هاللي جالس في الغماره
والطريق اربع مسارات ..
اغلقوا منها 2 … وخصصوا الثالث لاصحاب ومعارف
واخنقوا صبر المواطن في مسار
وان تكلم هالمواطن .. هالمسالم .. وقال مشونا ياعالم
قال عطه مخالفه … هذا حمار

.
.

2- الفهم = البلاده … ( كذا نعيش )

يا قلم ماني برايق للكتابه .. كن شباك الكئابه رمش عيني
ماني رايق .. من صباح الله مدري شصار فيني
امس في جلسة وهم .. جالس وعندي امم
شدهم هالكاسيات العاريات .. في قناة ٍ للتعري والفساد ..
اسمها الفني نغم …
واحد يقول اسمع اسمع وضح الصوره شوي ..
وابعد ابغى اشوف غاده .. انت تفهم ؟؟ ابعد ابغى اشوف غااااااده !!
ورد واحد من هناك .. انت والله اللي ما تفهم ابد .. ويش غااده
شف مرااااام … حلوه وسكر زياده … آآآه يا لبا الخصر .. والنحر …
أي احرقني الجمر … ووقع البراد والشاي انتثر
وعدت الساعه 10
11
12
وقرب آذان الفجر … قال هذا انا بروح آنام
والاخر شويه وقام ..
حتى انا عندي دوام …
وكلا ً استلم الوساده … لا صلاه ولا عباده
وانا يا هذا القلم .. اعترف اني صحيح انسان جاهل .. ما فهم
دامني لازلت افرق بين شي اسمه فهم
وبين شي اسمه بلاده