الموضوع اليوم عن الكتابة على ابواب حمامات المساجد
ونحن الان امام احد مداخل حمامات مسجد سنحاول الالتقاء ببعض الاخوة لنستطلع رأيهم وهم متوجهون لصلاة المغرب
وهناك شخص يقترب مهرولا
س: عفوا يااخي نحن من قناة اسبيس تون و نريد …
ج: يا اخي خليني تراه انا مشغول !!!!
س: سؤال واحد بس بسيط لو سمحت ؟
ج: خير ..بسرعه لو سمحت لاني …. لاني مشغول!!
س: طيب .. انته اكيد تتوضأ في هذا الحمام؟
ج: يعني ليش جاي ؟!!
س: طيب ايش رايك في الظاهرة المنتشرة الا وهي الكتابة على ابواب الحمامات ؟
ج: اي باب ؟!! اقصد اي كتابة شوف ياخوي انا ما اشوف اي شئ لما ادخل هناك لاني اكون مركز على اشياء اهم!! والحين سلام ما فاضي مشغول
وما ان دخل هذا المشغول جاء احد الشباب ومعه سكروب دريول (مفك) وبعد ان قدمت نفسي اليه و هدف اللقاء قال
ج: بصراحة يااخوي وبيني وبينك انا جاي اليوم يااخوي اكمل مقالاتي مال امس
س:ياه هي طويله لهذه الدرجة ؟ يعني ماالمفروض يكون تعليق عابر فقط ؟
ج: هو صحيح بس يااخوي لما كنت اكتب امس وفي امان الله الا والناس تدق الباب وتصرخ تريد تدخل اوين صار لي ساعة داخل الحمام وهذا افتراء لاني ماجلست غير 40 دقيقة بس ومع ذلك يااخوي و غصب عني طلعت لاني ما قدرت اركز
وبعدين يا اخوي الكلام الي انا اكتبه قليل لكن يأخذ وقت
س: ليش؟
ج: اه قلت ليش؟ سؤال حلو .. شوف يااخوي زمان كنت اكتب بالاقلام فكنا نكتب بسرعة لكن الله يهديهم كانوا يمسحوها بالمزيل او اقلام الفولوماسترعلشان كذا قلت احسن استخدم المسامير او المفكات علشان احفر على الباب ومهما حاولوا يغطوها بالصبغ تبقى موجودة.
س: خطة غريبة فعلا ؟!!
ج: ايوه يا اخوي الحين مايقدروا يسوو شئ الايبدلوا الباب وهذا مايقدروا يسووه شفت كيف
س: طيب ليش انته تكتب اصلا ؟ يعني ليش ما تكتب في اماكن اخرى؟
ج: يا اخوي حاولت .. والله حاولت.. وكل ما ارسل مقال للجرائد واظن انهم بيكتبوا بكرة في الجريدة اجي بكرة واشتريها اشوف ان ماحد كتب شئ وعلى هذا الحال يا اخوي شهر خسرت 6 ريالات لكل جريدة وانته عارف نحن معانا 3 جرايد.. المهم يااخوي انا مستعجل الحين لانه فرصة الجماعة يصلوا والحين الحمامات فاضية اقدر اكتب وانا مرتاح سلام
وإذا بي .. اودع اخوي إلا وشفت امام المسجد
س: عفوا انته امام المسجد؟
ج: ايوه خير
س: ااسف بس الناس تصلي وانته هنا كيف ؟؟
ج: اسمعني يا ابوي هذا ما يخصك ولا تدخل عصك في شئ مايخصك انزين ؟ ..وبعدين انا هنا لاسباب امنية !!
س: اسباب امنية ؟ كيف ؟
ج: تراك تسأل واجد .. انا اراقب الي يكتبوا على الابواب
س: تمام هذه فرصة لاني من …. وعرفته بنفسي و سألته عن رايه في هذا الموضوع؟
ج: يا ابوي انته غريب..يعني عاجبك الي يصير يوسخو لي البيبان وكل يوم اروح امسحها .. ياابوي يروحوا يكتبوا في بيبان حماماتهم لازم يكتبوا على حماماتي بصراحة ما عندهم سالفة
س: بس همه يقولوا انهم ماقادرين يكتبوا في اماكن ثانية.
ج: ياابوي وانا ايش ذنبي .. يروحو مسجد ثاني.. كل يوم اشتري صبغ شكل ، مرة احمر يروحوا يجيبوا مزيل يكتبوا عليه ..اشتري صبغ ابيض يكتبوا باقلام سوده تعبت خلاص
واثناء الحديث ظهر شخص يبدو عليه انه مسئول
س: عفوا يا استاذ انا من ….. وايش رايك ؟
ج: الحقيقة و الواقع هؤلاء الفئة من الناس لابد من وضع حد لهم .
س: هل هناك اي اجراءات ؟
ج: سوف نقيم فرق تفتيش و سوف نضع كاميرات خفية داخل الحمام و هناك سلاح سوف نستخدمه سيقضي على هذه الظاهرة
س: سلاح ؟؟؟ ماهو ؟؟
ج: سوف نزيل كافة ابواب الحمامات
س: بس يا استاذ ما يصير هذه حمامات ولازم يكون هناك ساتر
ج:شوف يا اخ انا اعرف ايش اسوي وانته ما تيجي وتعلمني ايش اسوي ؟؟ وهذا القرار اتخذناه بعد دراسة مستفيضة وبعد سلسلة من الاجتماعات و استجلبنا خبراء من الخارج وتوصلنا لهذا القرار ولو سمحت مرة ثانية لاتقولي مايصير لان هذه الكلمة انا لااؤمن بها ما في شئ مستحيل هذه الايام .. كل شئ ممكن و يصير بالارادة و التصميم  واذا كان فيهم خير يكتبوا وبنشوف !!
وللحلقة بقية

قلبي على بلدي انفطر     وقلب بلدي علي حجر