الرئيسية › منتديات › مجلس الثقافة الأدبية والشعر › قصيده روعه لحامد زيد
- This topic has 6 ردود, 5 مشاركون, and was last updated قبل 18 سنة، 3 أشهر by charifien.
-
الكاتبالمشاركات
-
15 فبراير، 2006 الساعة 3:42 ص #50328قطراويةمشارك
قصيده تجمع الحب مع الوفاء والاخلاص والخيانه للشاعر حامد زيد
من اول مارجعت من السفر..ماشفت لك بينهوانا اللي كنت احسبك قبل ادوس ارض المطاربتجين
تكونين انتي اول شخص عيني تحتضن عينه
وكنت اتخيلك من زود فرحه رجعتي……..تبكين…
واشوف بدمعتك حكيك..واعرفه قبل تحكينه
واجيب احلى من اللي بتحكينه… واتركك تحكين
تقولين:الوطن نور واقول:بنور مضوينه
تقولي لي:غديت احلى واقول:عيونك الحلوين
كلام نام بشفاهك وخفتي لاتصحينه
ذخريته لغرام اللي ينام ويتركك تصحين
تغانمتي غيابي..لين رجحتي موازينه
تعلم من يدك لمس الكفوف وعلمك تجفين
وليتك لاقيه به شي…فيني ماتلاقينه
ماهو بغرور…لكن خابرك مالك امل تلقين
تغافلك بغلا..والا الحلا..ماهو بمن زينه
تزينه الصور……بس الصحيح ابن الحلال(زوين)
وانا ماني بناقص عنه يوم انك تبدينه
نصيبي هو نصيبي لويسددها من الصوبين
قنوع بمظهري …والسم مايذبح ثعابينه
على قول المثل((ماني حلو..لكن ماني شين))
اذا اهداك الزهر مره..فانا اهديتك بساتينه
واذا الهاك بفرح ليله..فانا تهت لبكاك سنين
واذا استضعفتك املاكه..وشتتك ملايينه
انا حتى فتات الخبزة اقسمها معك نصين
طموحي ؟؟بس اجي واظفر بشئ تستحقينه
تدينته تسلفته سرقته…مو مهم منين؟؟
كأني من كثر ماارضى بكل اللي تمنيتهلو انك تطلبين الله يعنيني بأقول:امين
انا ماالعب على الحبلين وقت الطيش وسنينه
تبين الحين يوم اني كبرت العب على الحبلين
ترى عند البدو بالذات عيب اللي تسوينه
حلاتك لاعشقتيني……تعشقيني ليوم الدين
غرام نسكن ضلوعه….حشيمه من مجانينه
جفا يجمع معزتنا……ولاعشق يذل اثنين
كثار اللي تحدوني وقالوا لي:تحبينه
امانه…لاتخليني صغير بعينهم…تكفين
لأني كل ماقالو تخون اقول:مسكينه
عليك الله وامانه..علميهم من هو المسكين
انا خايف..ليا طاح الجمل تكثر سكاكينه
وانا ماعادت ضلوعي تحمل طعنه السكين
مثل ماقالوا: المكتوب واضح من عناوينه
لو ارحل منك للغربه..بسافر من ظلامك وين؟؟؟
كفايه كل حلم يمر برقادي تزورينه
كفايه من تفارقنا وانا ماغمضت لي عين….
قبل يومين شفتك بالمنام وقمت من حينه
ونمت امس ورجع نفس المنام اللي قبل يومين
صح لسانك حامد زيد
15 فبراير، 2006 الساعة 3:59 ص #642537جحجوحهمشاركتسلمين اختي قطراوية ،، وصح لسانك حامد زيد ،، انا من محبي هذا الشاعر المرموق ،، وبعد في قصيدة التمثال وايد روووووووووووعة ..
15 فبراير، 2006 الساعة 4:33 ص #642546قطراويةمشاركمشكورة اختي جحجوحه على مرورج انا بعد نفسج احب اسمع لحامد زيد واحب قصيده التمثال
التمثال
عفا الله عن خطا غدر الخناجر والضلوع ابطال
باسامح واتركك تحت الظلام الحالك لحالك
دخيلك وفر دموعك ترى هدر الدموع اذلال
وترى مافيه احد يصبر مثل صبري بغربالك
انا عيب علي انقض كلامي والرجال افعال
واذا قلت اقطع حبالك تراني بقطع حبالك
عشان اكسب هدب عيني تجرعت العذاب اشكال
وليتك تراف بحالي علشان اراف بحالك
مسوي في حياتي شي مايذكر ولا ينقال
حتى العدو واهو العدو ما يعمل اعمالك
تمسيني على الهم وتصبحني على الغربال
تقلطني فناجيلك وتقصر عني دلالك
تحملت التعب لاجلك وانا حملي يهد جبال
رحلت من العذاب وما وقفت الا على جالك
علامك كلما اجيك متواضع جيتني تختال
معاك اليا متى باصبر وصبري معك يحلى لك
مثل ما اقبلت لعيونك لزوم تلدلي باقبال
ومثل ما قد حشمتك حس واحشم قلبي اشوالك
انا محد بجابرني اساير معك هالمنوال
ترى ماني تبيع لك ولاني اصغر عيالك
انا حبيت اعشقك نبض ومشاعر ما اعشقك تمثال
انا جيت اسكنك واحياك وابقى فيك وابقى لك
انا جيت اب ظمى عاشق تعب يطرد سراب اللال
انا جيت استفز رضاك من فرقاك والجا لك
انا ما همت بك عاقل انا كنت اعشقك بخبال
انا ما كنت احبك حي انا كنت اعشقك هالك
تخيل من كثر ما خفت تلقى للزعل مدخال
اخاف اخطي على طيفك وادوس برجلي ظلالك
تبعتك والعرب تتبع رعود البارق الهمال
وانا شفت المطر يتبعك في حلك وترحالك
كأن الي خلق حسنك خلقني مع جسدك ظلال
وصرت اقرب جسد يمشي معك باقفاك واقبالك
ابي قلبك يحس انه فقد بمحبته رجال
ملكته من هدب عين وخسرت ارضاه باهمالك
صحيح ان الفراق اقسى ولكن الوصال محال
وانا صعب على ارضي غرورك واضعف قبالك
بعد ما حققت عيني فبعدك للرقاد امال
اعود للسهر! ياخوي فال الله ولا فالك
ببدل نظرتك فيني واجي لك كل يوم بحال
باكون اقرب من ثيابك عليك ولا اتهيالك
بالمك وانثرك واجمعك وارجع انثرك باهمال
باخونك وازعلك وارضيك وازعل منك وارضى لك
ابرسم بالثرى وجهك وابدفن صورتك برمال
ابشكي للعرب فرقاك واضحك عند عذالك
ابهديك الوصال فراق واهديك الفراق وصال
باسوي مثل ما اشوفك تسوي وافعل افعالك
عشان تعرف من فينا الزعول ومن وسيع البال
ابيك تذوق فنجالي وانا باذوق فنجالك
نصيحه واحتفظ فيها قصر معك الزمن او طال
ابي تسمع كلامي زين وتحطه على بالك
اذا حبك هبال اطفال لك عندي هبال اطفال
ولا وابشر بعد بهبال حب ماهو بهبالك
واذا قصدك تهين اسمي عشان تشمت العذال
ترى لا انت ولا غيرك ولا عشره من اشكالكصح لسانك حامد زيد
15 فبراير، 2006 الساعة 10:41 ص #642601mo70مشاركما شاالله شكرا لك يا قطراوية على هذا الموضوع والى الامام انشاالله
سلامي لك
15 فبراير، 2006 الساعة 9:52 م #642828قطراويةمشاركسعدت لردك
وتسلم يا مو 70
16 فبراير، 2006 الساعة 12:49 م #642973مسـ هجرس ـقطمشاركمشكوره اختي عالقصيده وانا من محبي الشاعر حامد زيد
ومطلع القصيده يقول
بوقت من البطئ وبليلتا تتراقص شياطينه
بعد ماشفت الضيا ينزع من ثياب المسا ثلثين
تحايلت المنام اللي مثل بيتك تمرينه
وانا اللي من تفارقنا ماغمضتلي عين
غريبه كل حلم برقادي تزورينه
والاغرب كيف احلم الحلم وارجع واحلمه بعدين
قبل يومين شفتك بالمنام وقمت من حينه ونمت امس ورجع نفس المنام اللي قبل يومين16 فبراير، 2006 الساعة 1:04 م #642975charifienمشاركشكرا أختي على هذه القصيدة الرائعة للشاعر العظيم حامد زايد
إذن لنختر الوفاء والإخلاص ولنترك الخيانـــــــــةمع الف رسلام
أخوك charifien
-
الكاتبالمشاركات
- يجب تسجيل الدخول للرد على هذا الموضوع.