ثلاث سنين وانا اخطط لهذا اليوم يا بو سعود
………………………………… تيسر حالي وجاهز أوفي وعدي بوقته
وفجاة جاتني تتعذر تقول تاخرتالوعود
………………………………… وانا مستغرب واسمع كاني وعدها خنته
حسبت انها تمازحني وتتصنع جفا وصدود
……………………………….. ضحكت بوجهها من قلب مع انها بايخة النكته
وقالت أرضى بالواقع وقلبي ما هو بالمعهود
………………………………. تغير كل شي صوبك قصيدي ما اظن انته
كنت في يوم محبوبي ولكن ما اظن تعود
………………………………. وصل من قبل ما توصل وانا ذاك الصبر عفته
ولكن تكفى صدقني ويشهد ربي المعبود
………………………………. ترى ما خنتك بغفله ولا كلمته وشفته
صراحة اهلي قالولي بأنه ولد اصل وجود
………………………………. وجتني امه بالصوره وبكلمات المدح أخته
سكت وقلت هي فرصة ما دام الجود بالموجود
………………………………. وقالوا كل من حولي علامات الرضى سكته
وانا فكرت دام أمه واخته ما عليهم زود
………………………………. أكيد أني براضيهم وإذا وافقت وأخترته
واراضي أهلي وإخواني ما دام انه الفرح مقصود
………………………………. عطيت الناس انا كلمه ومعاهم وقتي حددته
ولا اقدر اغير ترى عند العرب منقود
………………………………. أوافق وأعتذر باكر واقول الراي غيرته
تبي تشرح لي المنقود تصدق عاد يا بو سعود
………………………………. تبيني أقتنع وارضى بحال عمري ما عشته
انا ماني بقايلها عسى يفرش ثراها ورود
………………………………. بعد ما حطمت قلبي وطعم الموت جربته
عسى بفستانها أشواك وفثوبه عقارب سود
………………………………. ونار تحرق الكوشه وتحرق بيتهم حتى
وموت بليلة الدخلة يبرد حسرتي يا كود
………………………………. ولا احس انها بحضنه يلامس خد لامسته
على اهون إذا ماتوا وهم بنفس السرير رقود
………………………………. ترى صعب علي أتخيل إلي ما تخيلته
عسى قاع الثرى يقسى ويتحول صخر جلمود
………………………………. وحفار القبر يرفض يسوي فوق مقدرته
ترى فطنت عديم الذات تلوع حتى كبد الدود
………………………………. ومن خان العهود ومات تعافه حتى مقبرته
عسى ربي يجازيهم بحبل من نسل ممدود
………………………………. يعلقهم من أطرافه وفوقه نار وتحته
أنا ماني حقود وشين ولاني من نسل نمرود
………………………………. ومن حط نفسة بوضعي يقول إلي انا ما قلته
مدام الفعل له ردة فعل والله ابشري بردود
………………………………. بدعي دامني حي وبغرس للدعاء نبته
وبسقيها نزيف القلب ودمع ما رحم للخدود
………………………………. وتكبر والثمر ثاري من إلي خاني وصنته
انا نذر علي اكتب وافجرها القصيده رعود
………………………………. وأسمع كل بشر صوتي عجبته ولا زعلته
واردد للي يسمعني إذا جيت حط حدود
………………………………. أنا جيت دون حدود شوف اللي تكبدته
ثلاث سنين أنا أبني وجت صوره بكل برود
………………………………. خذت مني شقى عمري وحلماً قلت حققته
ثلاث سنين وانا اخطط لهاليوم يابو سعود
………………………………. توافقني كلام اخته وصورة 4 ×6

منقوووول للعبره والحذر