يـتـعـرض الكـثـيـر من مـرتـادي الـطـرق الـسـريـعـة الى حـوادث مـروريه  مروعـه

بـسـبـب الجمــال الـسـايـبـه  من اجـل ذلـك كـتـــبـت هـذه الـقـصــيـدة    

حـل ياجمــل)ـ)

حل. ياجـمـل  وخـر عـن إدروبي الـيــوم     مـن شـاف وجهـك مايـشـوف الـســلامه

وش بـك تـوقـف ع الـطــرق دوم وتـقـوم     تـمـشـي ولابــه فــوق ظـهــرك عــلامه

راعـــيـك  مـايخــشـى مـن الله . والـلــوم    خــــلاك  ســايـب مـايخـــاف الـمـــلامه

جاهـل . ضـمـيره للأسـف صـار معــدوم     ويـلـه  مـن الــديــــان يـــــوم الـقــيـامه

كم مـوتـر قـد صـار من  سـبـــتــك  كـوم     راعـــيـه انـت الــلـي مـنـفـــذ اعـــدامه

وكـم مـن مسـافـر صار خـايـف ومهـمـوم     يـلـقـاك في دربــــه تـكـســـر عــظـامه

تهـجـم وبـعـض احـيان تـلـقى لـك هـجـوم     كـم من جـمل  مـثـلـك تـهـشــم ســنـامه

كانـك تـبي لـك عــنــدنــا صـيـت وعــلوم    أسـلـك طـريـق الــســلم مــثـل الحمــامه

شـفـهـا بعـلـم الخــيـر مـن ســابـق تحــوم     تحــضـى بحـب  الآدمـي واحــــتـرامه

لاتحـسـب ان حـقـك هـنـا صـار مهـضـوم    وانـك فـقــدت الـســيــطـره والـزعـامـه

وبعـد الـمـواتـر صـرت عـاطـل ومـركـوم    لاشــفــت لـك  ســواق تـنـقـــز أمـامـه

لا تـنـتـحـــر  وتـقــول مـظــلـوم مـظـلـوم     وانـت  رفــيـع الـقــدرهــو والـمـقـامه

وانـك مـن الـبــتـرول والـزيـت  مــزكـوم     أرعـى في (الـصــمـان)  ولا الـثـمـامه

وابعـــد عـن الـديـــره  ولاتــزعـج الـقــوم     مـادمـت جـاهـل بـالـمــرور ونـظـامـه

اسـمـع تـرى لـك قــدر عـالي  ومـحـشـوم     لـكـن لـكل مخــــلوق عـصــره وزامه

مـن غــيـرك انـت يـرفــع الحـمـل  ويـقـوم     مـثـلـك . ولا تـتـعـب قــواه  وقــدامه

حبـيـت أســولـف  لـك  وانـــا كـلي هـمـوم     واشــره عـلى راعـيـك قـبـل الـنـدامه

ان يـــتـقي ربــــه  ويـــبــدى  مـن  الـيــوم     حـرصـه بـعـبـارالـطـرق  واهـتـمامه