السلام عليكم ورحمة الله وبركاته

يقولون ان الأنسان عقله اكبر من الحيوان وهذا صحيح
بس سبحان الله قلب الحيوان ارحم من قلب الأنسان في بعض الأحيان
أقول لكم بعض القصص التي قرئتها من المجله
مره عجوز تشتغل عند احد المزارع اثناء ماهي تحصد الزرع شافت ثعابين صغيره توهم مولودين أخذت العجوز الثعابين ووضعتهم في مكان آمن جاءت أم الثعابين بحثت عنهم ما شافتهم بعد فتره لقتهم عند العجوز شسوت الثعبان الأم راحت حطت في حليب العجوز سم من لسانها بعدين دورت عيالها الثعابين وشافتهم في مكان آمن راحت الثعبان ووصخت جسمها من الرماد والوصخ وحطته في الحليب علشان محد يشربه وانه الحليب صار وسخ علشان انه فيه سم.

وفيه قصه ثانيه في قطوه راعيها مش مقصر معاها من اكل وشرب واهي تاخذ وتقتصد والرجال مستغرب يقول اموت واعرف الأكل اللي اعطيها اياه وين توديه اكتشف بعدين انها توديه عند قطوه عمياء فاقده البصر يا سبحان الله.

وفيه قصه أخيره علشان ما اطول عليكم مره بيطري شاف كلب مريض خذه وعالجه و اطلق سراحه بعد ايام جاله الكلب نفسه وجايب معاه كلب مكسوره رجله يبغاه يعالجه لاإله إلا الله.

في قصص كثيره ان شاء الله يأتيكم المزيد

تحيتي لكم