تعبت ومرت سنيني .. وانا كاتم صدى الأحزان

……………………. أصبر بالأمل نفسي .. وأكت شعري وأنظم

أقول الحظ يتقلب .. ومهذه سنة الأزمان

…………………… وهذا حكم ومقدر .. ولا في داعي أتكلم

ولكن الحزن شيّد .. حصونه داخل الوجدان

………………….. وصار يحارب أفراحي .. وقلبي لجله استسلم

يتيم الشوق أنا أسمي .. وأبوي الصبر والسلوان

………………… وجدي مفارق الفرحة .. ولا خال ٍ لي ولا عم

وميلادي بلا تاريخ .. وأسكن شارع الأحزان

…………………. وبيتي كل ما ابنيه .. مع الأيام يتهدم

نشأت بأول أيامي .. وكان الهم لي أحضان

……………….. أجيه وارتمي بصدره .. إذا ما الليل بي أظلم

درست الحب مع خلي .. درست الشرط والأركان

……………….. درست اسلوبه وفنه … وكان القصد اتعلم

ولكن الحسد أقوى .. رماني بحرز و بأعيان

………………….. أركز واستمع واقرا .. ولكن ما قدرت افهم

جفاني الحظ وتعثر .. ويوم الشرح أنا سرحان

………………… رسبت وعدتها صفوفي .. وخلي فاز وتقدم

عرفت ان الشقى حظي .. وهذه حكمة الرحمن

………………… وكل أنسان له غلطة .. ومن الغلطة بيتعلم

تركت العلم لأصحابه .. وقلت أبحث عن الخلان

…………………. ولمتني يدين العمر .. تسهرني ليالي الهم

أبات أزرع بذور الود .. وأسقيها من الشريان

…………………. عسى خلي بعد لي مر … يحس فيني ويتندم

ولكن ما جنيت إلا .. صدود وياسٍ وهجران

………………….وعيني تشتكي الفرقا .. وقلبي صار يتألم

مرضت وزادت اسقامي .. وداوتني يد النسيان

…………………. تجرعني دوا الحسرة .. وتسقيني دواها سم

وصرت أنسج خيوط العمر .. وأصنع لجلي الأكفان

…………………. وأرقب ساعة وداعي .. ودمع العين مني يسيل

وأنا بين الشقى والهم .. كتبت مذكرة أنسان

……………………. وأظن اللي انشرح كافي .. ولو قولي بعد ما تم

ختمت القول في شعري .. وعذروني إذا غلطان

……………………… وصلوا ع النبي الهادي .. عدد ما يسبح المسلم

وسلامة الحاضرين